Dizionari de Lenghe Furlane

fam  fam  [FO]

1. s.f. voie o dibisugne di mangjâ:  al jere strac, plen di fam, di sêt, di sium (Carlo Sgorlon, Il dolfin); «Âtu fan? Tueiti tal armâr, uì.» (Novella Cantarutti, Scûr e lusour)
   Sin. pitic
   Var. fan¹
2. s.f. (fig.) brame fuarte di alc:  nudrî la anime che e à fam di dutis lis virtûts (Riedo Pup, I furlans e la fam)
   Sin. aviditât , brame , desideri , gole , pice , sbisie , sbisiôr , sbuliament , sbulie , seneosetât , smalitament , smaniament , smanie , uce , voie
   
   1. (fig., scherç.) brame sessuâl
      Sin. brame , gole , mâl dal sivilot , mâl dal tîr , sbisie , voie
3. s.f. il no vê avonde di mangjâ:  je vignuda pardut una granda cjaristia, una fan tramenda, che la int a doveva mangjâ arba e ladrîs par no murî (Ugo Pellis, Catinuta)
   Sin. denutrizion , malnutrizion , miserie¹ , cjaristie
   
   1. realtât des societâts plui indaûr tal svilup economic e che a patissin pe denutrizion:  iniziativis di pâs, di colaborazion pacifiche tra i popui, di disvilup e di impegn par scancelâ la fam e il sotsvilup tal mont (Aministrazion Publiche, Statût de Provincie di Udin)

Polirematichis e espressions idiomatichis

• confondi la fam loc.v.
• murî di fam loc.v.
• svuarbâ la fam loc.v.

Proverbis:

• al è miôr mangjâ il polam che no lassâlu crepâ di fam
• al è miôr murî di fam che no di miserie
• bêçs e fam a son dutun
• cuant che il lôf al jes dal so foran, o che al à sêt o che al à fam
• cuant che la fam e je a mieç il cîl, la polente a sa di mîl
• cuant che si à fam, dut al è bon
• cui che al vîf sperant al murirà di fam
• cui che nol à fam o che al à mangjât o che al è malât
• cui che si gjave il sium no si gjave la fam
• cui che si pas di sperance al crepe di fam
• dolôr al è dolôr, ma la fam e je piôr
• e vûl fam par savê ce che al è bon
• fornârs e mulinârs a son i ultins a murî di fam
• il cjan di doi parons al mûr di fam
• il massepassût no si ricrôt di chel che al à fam
• il passût al crôt che no i vegni mai plui fam
• il puar al mûr passût, il siôr di fam, il predi di frêt
• il siôr al mûr di fam e il puar massepassût
• l'ordin al è pan, il disordin al è fam
• l'ultin a murî di fam al è il mulinâr
• la fam a fâs jessi il lôf de tane
• la fam e fâs dolç l' amâr
• la fam e je un bon cuincîr
• la fam e je un grant condiment
• la fam e je un trist conseîr
• la fam e mude la fave in mandulis
• la fam i da bon savôr al pan
• la ore di gustâ pai siôrs e je cuant che a àn fam, pai pitocs cuant che a nd' àn
• la ore di gustâ pai siôrs e je cuant che a àn fam, pai puars cuant che a nd' àn
• la robe e je simpri buine cuant che si à fam
• mangjâ co si à fam bevi co si à sêt, durmî co si à sium, cjiâ co si à sen
• pan pe fam, aghe pe sêt e jet pe sium
• sossedâ nol vûl ingjan: o sium o fam
• sossedâ nol vûl mintî: o fam o sêt o sen di lâ a durmî o cualchi cjosse che nol olse a dî
• sot de nêf pan, sot de ploie fam
• sot ploie fam, sot nêf pan
• tiere nere e fâs bon gran, tiere blancje a lasse murî di fam
• tiere nere e fâs bon gran, tiere blancje e fâs murî di fam
• tiere rosse e fâs bon gran, tiere blancje a lasse murî di fam