Dizionari de Lenghe Furlane

miserie¹  /-sé-/  mi|se|ri|e  [FO]

1. s.f. stât di grande puaretât:  par colpe sô vin pierdût dut, cjamps, cjase, amîs, l'onôr de famee… e dodis agns di miserie, di tribulazions pai nestris fruts (Pieri Somede dai Marcs, Resurezion a Pontinie); par paiâ i debits […] si jere ridusude in miserie, une miserie che e alçave di pês (Pieri Somede dai Marcs, Caritât); nol à mai un crût te sachete, cun chê miserie nere che lu perseguite (Josef Marchet, Lis predicjis dal muini); e veve lassât a cjase une miserie di sclapâ cul coni e trê fruts cu la madone (Maria Forte, Sul cjar di Pauli Gurin)
   Sin. puaretât
2. s.f. (meton.) int une vore puare:  rivât su la evada, / sintât sun grum di gleria, / al clama la miseria, / che e vegni a comprâ (Popolâr, Tumburùs a schila)
3. s.f. tant che esclamazion o imprecazion, par pandi maravee, rabie e v.i.:  miserie purcite!; boie di chê miserie!; putane miserie!
   Sin. miseriate
4. s.f. massime tal pl., il complès di problemis che a tibiin une persone o dute la umanitât:  se propit no tu vuelis lassâ di bande dal dut la tô mate idee umanitarie, ancje culì a son piçulis e grandis miseriis e tu pûs fâ dal ben… (Pieri Somede dai Marcs, O sielç lis stelis)
   Sin. cragnarie , meschinitât , tegne
5. s.f. azion, discors o pinsîr meschin:  a àn decidût di jessî dal Moviment Friûl […] stant che si è ridusude a chestis miseriis la dialetiche interne, e si è pierdude la sole ocasion che si veve di dreçâ lis robis (Adrian Cescje, Memoriis di politiche linguistiche)
   Sin. carognade , porcarie
6. s.f. sume di bêçs une vore piçule:  us al dîs jo trop che e je la vuestre cuote: une miserie, trê francs (Riedo Pup, Tal non di Raffaella afârs e guviars)
   Sin. cagnere¹ , fufigne , monade¹ , stupidade , stupidagjine , stupideç
7. s.f. il mancjâ o il jessi in numar masse piçul:  mio pari al voleve che al cueiès il bacalà a la capucine che lui, cence miserie di cuince, al saveve fâ tant ben che e jere une maravee (Pieri Somede dai Marcs, Fra Silvio); intal gno paîs al è dut un zîr di predis. Di cuant che o soi nassût, ai vût ce fâ cun sîs predis diferents. […] E dopo a disin che e je miserie di predis! (AAVV, Sul florî); o ai miserie di foragjo, chest an (Riedo Pup, I furlans e la fam)
   Sin. carence , cjaristie , criùre , insuficience , mancjance , scjarsetât

Proverbis:

• a lâ in malore no i vûl miserie
• a vendi fen si compre miserie
• a vendi ledan si compre miserie
• a vendi ôcs si compre miserie
• al è miôr murî di fam che no di miserie
• bondance di boris, miserie di panolis
• cent mistîrs e mil miseriis
• cui che al vent fen al compre miserie
• e je brute la miserie, e je piês la bondance
• i fraris a vivin di caritât e no di miserie
• l'ozi al è il pari de miserie e dal vizi
• la miserie a fâs fâ trop
• la miserie a fâs tristerie
• la miserie e je une grant scuele
• la miserie e la necessitât a fasin l'om lari
• la poltronarie e je la clâf de miserie
• la poltronarie i vierç la puarte a la miserie
• la tampieste no puarte miserie
• la tristerie a mene miserie, la miserie a mene pedoi e i pedoi a mangjin ancje i voi
• miserie a fâs industrie, industrie a fâs bondance, bondance a fâs massepassudance e massepassudance a torne a fâ miserie
• miserie a fâs miserie
• miserie no à leç
• nuie nol reone tant che la miserie
• par lâ in malore no vûl miserie
• par scjampâ de miserie si à di lâ là che a son cjamins che a fumin e no cjampanii che a sunin
• sclope di zovins, miserie di viei
• vuardìnsi dal capitâl de miserie