criùre
cri|ù|re
[AF]
-
s.f.
frêt une vore fuart:
a jerin i ultins di Zenâr. La criùre e jere simpri fuarte, ma za si visavisi che lis zornadis a jerin deventadis plui lungjis (Carlo Sgorlon, Prime di sere);
Bernart al veve la muse ruane di frêt sot de barbe rare e dure. A restarin une ore a fevelâ par strade, te criùre (Agnul di Spere, Frêt);
al cricave dì e la criùre de matinade mi sgrifignave la piel ancje se mi jeri vistût ben pesant (Enrico Martina, Ricuarts e inlusions)
Cfr. frêt
, zime1
, glace
-
s.f.
(fig.)
cuantitât masse piçule rispiet a ce che al covente, di bêçs o di cualsisei risorse o robe:
agns di criùre in chê volte, cjârs i miei zovins! In chei dîs si cuistave dîs solts e tirâ sede e sbuentâsi li mans plenis di poleçs, sgobâ come mus chê pueri frutatis, da li sîs di matine fintramai a lis vot di sere (Dolfo Zorzut, La furlane);
si cjatin in cunvigne tal dâi ae lenghe furlane la stesse percentuâl di belanç, ven a dî il 0,02%. Dipendial de criùre di bêçs o di une cuistion di mentalitât? (Carli Pup, Une Regjon che i vûl mâl ae sô lenghe e ae sô autonomie);
di aghe, in Friûl, no ‘nt vin ancjemò criùre (Raffaele Serafini, B123ST)
Sin. mancjance
, cjaristie
, miserie1
, scjarsetât
-
s.f.
(fig.)
mancjance di cordialitât, di umanitât, di sperance e v.i.:
[te piture] une femine ben vistude e jere sentade a bevi di bessole, intal taulin vueit di une ostarie. Che cundut dai colôrs cjalts, si pues cjatâsi dentri de criùre dal vivi (Raffaele Serafini, B123ST)
Proverbis:
- San Vicenç, grant criùre; Sant Laurinç, grant cjaldure: la une e la altre pôc e dure