Dizionari de Lenghe Furlane

glace  gla|ce  [FO]

1. s.f. aghe intal stât di solit, sot de temperadure di 0 °C ae pression di une atmosfere:  une dì di chês fredis, di chês cu la glace che e fâs lis stelis sui veris (Roberto Ongaro, Cretevierte); un pâr di butiliis di spumant di grant marche, servît tun seglot di arint plen di glace (Arturo Feruglio, Viaç a Vignesie)
   Sin. brose , glaç , glaçade
   Var. glaç
   Cfr. brose , brosate , zulugne , glaçade , nêf , tampieste
2. s.f. (fig.) sensazion di malstâ pe pôre, angosse e v.i.:  o cirivi di scherçâ par disfâ chê glace e chê pôre che le faseve zirucâ a ogni pas che o fasevi (Alan Brusini, Gian Paolo Linda, I forescj)
   Sin. criùre , frêt
3. s.f. (fig.) mancjance di cordialitât:  fra di lôr [dôs sûrs] al jere alc di frêt e di malstâ; […] a sintivin come un mûr di glace che lis divideve (Pieri Menis, Marum)
   Sin. frêt

Polirematichis e espressions idiomatichis

• menâ il mus pe glace loc.v.
• rompi la glace loc.v.

Proverbis:

• cu la umiltât si romp la glace
• il fûc al disfe la glace
• la umiditât e disfe la glace
• Sant Blâs se al cjate glace le disfâs, se no 'nt cjate ind fâs
• Sant Matie cu la manariute se al cjate glace le fruce dute
• Sant Matie se al cjate glace le pare vie, se no 'nt cjate ind fâs vignî
• tal cjalt dut fûr che la glace
• tal frêt e sta ben dome la glace