tampieste
/-és-/
tam|pies|te
[AF]
-
s.f.
precipitazion atmosferiche formade di grans di aghe glaçade:
si sintì a colâ a colps secs i prins asins di tampieste, che a saltavin di ogni bande (Pieri Menis, Sul agâr);
ce che il contadin al vent a son i prodots che al rive a fâ saltâ fûr jenfri il sut, la tampieste e la bovadice (Riedo Pup, Jessi miliardaris e no savêlu)
Var. tempieste
Cfr. brosate
-
s.f.
(fig.)
cuantitât di robis duris che a colin o che a vegnin butadis, tratis o sim.:
in chel e rivà une clapade a tradiment: un bombul di clap al plombà parmìs e al saltà tor il mûr, po un altri di chê altre bande, e un altri, un altri inmò: une tampieste… (Dino Virgili, La aghe da pît la cleve)
-
s.f.
(fig.)
cualsisei element che al prodûs distruzion:
dopo de tempieste dai Ongjars il Friûl, dibot par cinc secui, al reste distacât dal ambient talian (Josef Marchet, Cuintristorie dal Friûl fin sot la Italie)
Proverbis:
- al è mâl cuant che si scuen bramâ la tampieste
- cuant che al tone, o ploie o tampieste
- cui che al lavore la fieste, e je tante tampieste
- la tampieste e cole simpri sui cjans magris
- la tampieste no mene cjaristie
- la tampieste no puarte mai cjaristie ma puar chel che i tocje
- la tampieste no puarte miserie
- nol zove sunâ daspò stade la tampieste
- ploie in strade, tampieste in buteghe
- se si semene aiar, si racuei tampieste