mancjance
/-cjà-/
man|cjan|ce
[FO]
-
s.f.
il no jessi o il no jessi avonde e il lôr risultât:
une dolorose mancjance di fuarcis, là che al veve i braçs infurmiâts (Amedeo Giacomini, Tal ospedâl);
la colpe e je vuestre e de vuestre trascurance e de vuestre mancjance di cussience e di sintiment (Josef Marchet, Lis predicjis dal muini);
il pês de vite, la mancjance di prospetivis e di sperancis che ti puartin a progjetâ, a jessi creatîf, a lâ indenant, a riscjâ (Antoni Beline, Sant Jacum, là che al finìs il mont)
Sin. assence
, insuficience
, scjarsetât
-
s.f.
di cdn., il jessi o il no jessi lontan:
cuant che al tornà te salute al pareve che nissun no si fos inacuart de sô mancjance (Amedeo Giacomini, Tal ospedâl)
Sin. assence
-
s.f.
(fig.)
violazion di une regule o di une abitudin, compuartament che no si calcole coret:
Zuan nol doprà peraulis ruspiis cun lôr. Lis lôr mancjancis, aromai, lu indoloravin sì, ma cence plui intosseâlu (Maria Forte, La tiere di Lansing);
il mestri di Rafael, a pet des mancjancis plui seriis e recidivis, al sierave a clâf un frut a la volte tun busigatul a scûr (Ivano Urli, Vuadagnâsi il gustâ)
Sin. colpe
, erôr
, falope
, infrazion
, trascurance
, trasgression
, mende
-
s.f.
incompletece, element che al mancje o che al è difetôs o di corezi:
chest progjet al à di lâ indevant […] e o crodìn che, cun dutis lis sôs mancjancis, al mostri la strade par che la nestre lenghe e sedi un valôr fuart (Donato Toffoli, Ce che al è stât fat tal 2000 e ce che si previôt pal 2001)
Sin. ombre
, mende
, difiet
Proverbis:
- la trope confidence e fâs mancjance di rispiet