puaretât
pu|a|re|tât
[AF]
-
s.f.
cundizion di cui che al à mancjance o insuficience di mieçs economics e di sostentament:
il president dal consei […] al à provedût a istituî une biele comission di inchieste e di indagjine su la puaretât, in Italie (Riedo Pup, La Comission de miserie);
al contà al diaul lis sôs angustiis, la sô miserie e la sô voie di fâ dâ un volt ae vite che fin in chê dì i veve dât nome marum e puaretât (Roberto Ongaro, Cretevierte)
Var. puertât
, povertât
, pouritât
Cfr. criùre
, streme
, miserie1
-
aspiet, forme, maniere che e mostre mancjance o insuficience di mieçs economics:
al jere soterât te stesse rie di so nono; stesse muart e stessis tombis, scuasit compagnis te lôr puaretât (Franca Mainardis, Il sium di Lissandri)
-
s.f.
mancjance o insuficience di une cualsisei robe, materiâl o imateriâl:
mi preocupe la puaretât di culture musicâl de plui part de int (Moira Pezzetta, I sorelis che si apartegnin di Priska )
Sin. criùre
, miserie1
, mancjance
, scjaresetât
, carence
, cjaristie
, penurie
, pocjece
Proverbis:
- cui che al cjavalgje la supierbie al è in grope a la puaretât
- puaretât no vuaste buinegracie