Dizionari de Lenghe Furlane

fâ gole    [CO]

1. loc.v. fâ vignî voie di mangjâ:  renghis, cais, bacalà, caviâr, cevole, / pes marinât, sardelis, sardelons, / (robis che nasin bon e fasin gole) / saltin fûr di ogni bande a procissions (Pieri Çorut, L'ingrès)
   Sin. fâ la biele voie , fâ vignî la aghe in bocje , fâ vignî la aghegole
2. loc.v. fâ vignî voie in gjenerâl, di vê, di cjapâ, di possedê e v.i.:  tirâ une mesade che e fasarès gole a un biel grum di capitaliscj (Josef Marchet, Svelts e dordei); ancje a jê, cumò, i plaseve l'afâr, che la braide dal Cuelat e faseve gole a cetancj (Maria Forte, La tiere di Lansing); "Vecjats! […] Lis mês gjambis us fasin gole, eh? … Po no vêso lis vuestris feminis di spiticâsi. E po, ce vêso di spiticâ plui, voaltris!" (Dino Virgili, La aghe da pît la cleve)
   Sin. fâ vignî la aghegole

Components:

• fâ v.tr., s.m., v.intr.
• gole s.f.

Proverbis:

• cui che al mostre la robe e no le mole, al è segn che le mostre par fâ gole