gose
/gó-/
go|se
[CO, TS]
-
s.f.
anat.
part dal esofac che tai uciei si pues slargjâ in maniere di tignî dentri plui robe che e ven mangjade:
[i ôcs] a tornavin cu la gose sglonfe, che al jere da ridi a viodile cussì sburtade infûr e dute di une bande (Maria Forte, I ôcs di Miute)
Sin. gôs
-
s.f.
med.
sglonfidugn dal cuel par cualchi alterazion de tiroide:
una volta tanta zent a veva la gosa (Maria Sinigaglia, Il miracul de la Madona di Rosa);
par platâ la gose, al tuartiave il cuel cuntun façolet ros puntinât di blanc (Tarcisio Venuti, Zefon);
"Ben, scolte, ti farai une cjamese cul golet che al ti plati la gose" (Novella Cantarutti, Le storielle di Orgnan)
-
s.f.
(meton., pop.)
cuel, part denant o didentri dal cuel:
lu brincà pe gose cuntune man come une smuarse (Riedo Pup, Gjarmanico);
al butà jù une tace di scotch par distudâ il fogôr che i brusave la gose (Fabian Ros, Un piçul particolâr);
mi vignive un grop te gose cuant che o pensavi al gno avignî (Enrico Martina, Ricuarts e inlusions)
Sin. cuel1
, gole
-
s.f.
(fig., pop.)
vôs e maniere di doprâ la vôs:
[...] i rispuindè, sclarint la gose il Palin (Renzo Balzan, Disgraciis e biade int);
se, culì, cualchi volte si prove a cjantâ alc, cun chês gosatis che o vês, al è un spavent (Josef Marchet, Lis predicjis dal muini)
-
s.f.
(fig.)
il jessi une vore stuf, il no sopuartâ plui alc o cdn.:
"Ce mai, bevarìn un got insiemi: o ai une gose, vuê…" (Pieri Somede dai Marcs, Barbane);
chei biadats a son rivâts che a 'nt vevin une gose par ca [des prepotencis di Silverio]. Alore si cjaparin sù e a lerin di intendo dal avocat par fâlu clamâ, sperant che almancul la leç ur des dal just (Josef Cjargnel, La mont cu la spice discrodeade)
Sin. stufe
, sglonfe
-
s.f.
[TS]
agr.
part sglonfe de plante dal forment che e je li li par fâ il spi
Polirematichis e espressions idiomatichis
Proverbis:
- cui che al à il cuel grues che nol mincjoni cui che al à la gose
- cun cui che al à la gose, no fevelâ di gose