Dizionari de Lenghe Furlane

fin⁴  fin  [FO]

1. prep., av. par segnâ un limit di timp, di lûc o di cuantitât:  la matine a jerin restâts tal jet fin tart (Agnul di Spere, In viaç di domenie); massepassûts… plens di vin de matine fin la sere (Pieri Somede dai Marcs, Une scarpute); al jere un passaç segret che al puartave fin li de cjase dal cont (Checo Tam, Mater Tenebrarum); al veve ravaiadis lis manis de cjamese fin parsore dal comedon (Gianni Gregoricchio, Trê feminis); a àn simpri paiât lis tassis fin l'ultin dolar (Riedo Pup, Par paiâ al vûl mistîr)
   Sin. fintine , infintine , insin , insintine , sintinemai , sintremai , fintremai , infin
   Var. fint²
2. av. par infuartî une afermazion:  e colave une gjambe di nêf che al pareve fin un sium (Alan Brusini, Come tai romançs); al vieli i vignivin fin lis lagrimis tai voi (Dino Virgili, La aghe da pît la cleve)
   Sin. insin , adiriture , fintremai , infin

Polirematichis e espressions idiomatichis

• fin avuâl dai voi loc.av.
• fin da loc.prep.
• fin di loc.prep.
• fin parsore dai cjavei loc.av.
• fin parsore i cjavei loc.av.
• fin parsore i voi loc.av.
• fin parsore il cjâf loc.av.

Proverbis:

• bisugne stuarzi la tuartie fin che e je frescje
• dut al à un fin