Dizionari de Lenghe Furlane

fintremai  /-ài/  fin|tre|mai  [FO]

1. prep. in complements di timp, di lûc o di cuantitât par segnalâ un limit:  stâ a durmî fintremai lis nûf passadis (Arturo Feruglio, Un grop sul stomi); straordenaris liniis programatichis. Bielis, nuie ce dî! Ma fintremai cumò a son restadis su la cjarte (Josef Marchet, Il salon dal barbîr); o lavi fintremai a Feagne o fintremai là de gleseute di Darcjan (Gianni Gregoricchio, Trê feminis)
   Sin. fintine , infintine , insin , insintine , sintinemai , fin⁴ , fintremai a
   Var. sintremai , fintramai
2. av. par infuartî une afermazion:  une lenghe [il talian] che in vuê fintremai i toscans a scuegnin imparâle a scuele, parcè che e je avonde lontane di chê che lôr a fevelin par cjase (Josef Marchet, Lenghe e lenghis in Italie); une espansion nazionalistiche e jentrà in ogni ambit de vite, fintremai te toponomastiche (Ferruccio Tassin, Autonomie tal Friûl austriac)
   Sin. insin , fin⁴ , adiriture , fin ancje , fintine , infintine
   
   1. al pues tignî sù costruzions che a valin di protasi di un periodi ipotetic negatîf, prime di un gjerundi:  fintremai lavorant dì e gnot, no si rivarès a finî intune setemane
      Sin. fin ancje , parfin , insin , ancje , nancje , purpûr , a ben che

Polirematichis e espressions idiomatichis

• fintremai a loc.prep.
• fintremai che loc.coniun.
• fintremai di loc.prep.