Dizionari de Lenghe Furlane

infin  /-ìn/  in|fin  [FO]

1. prep., av. par segnâ un limit di timp, di lûc o di cuantitât:  cumò al è vieli e inte miserie infin parsore ai voi (Catarine Percude, L'oseladôr); presint a se stes / infin l'ultin moment (Pieri Çorut, A Sabadin)
   Sin. fintine , infintine , insin , insintine , sintinemai , sintremai , fintremai , fin⁴
2. av. daspò di un ciert timp e di cierts fats, o dopo une schirie di personis, elements, lûcs e v.i.:  al jere vîf, alì, infin denant di jê! (Roberto Ongaro, Il muc); si sint il bot de [cjampane] piçule, po chel de mezane e infin chel de grande (Pieri Somede dai Marcs, L'ultin cordo)
   Sin. finalmentri , ae fin , insom , insin , alfin
   
   1. par introdusi une conclusion o par zontâ un altri detai, o ancje dome cun valôr enfatic:  […] se ocorès / i presenterai dôs riis di ricors: / infin farai dut cuant chel che mai pues (Pieri Çorut, Pronostic del 1828); cul plui lâ dal timp - o dîs la veretât - la solitudin e veve començât a pesâmi. Infin o vevi trentecuatri agns!
      Sin. in conclusion , in fin dai conts , in fin dai fats , in fin dai fins , in plen , insom , in sumis , insome , in struc , in definitive , alfin
   2. tant che rinfuarcitîf:  infin ju lôfs a varès stomeât (Ermes di Colorêt, I, 92)
      Sin. fin⁴ , fintremai , adiriture , insin