Dizionari de Lenghe Furlane

fâ i conts    [AF]

1. loc.v. fâ calcui aritmetics, soredut par definî il vê di vê e il vê di dâ:  ancjimò ai di finî di vendemâ / di fâ i conts ai massârs, / e cent altris afârs (Pieri Çorut, Pes gnocis Vivant-Venture); nissun varès mai crodût che mê none Miute no fos stade a scuele: e saveve fâ i conts des spesis, e saveve lei lis oris su la svearine, e saveve robis dai timps passâts (Lucio Perès, Mê none Miute)
2. loc.v. vê a ce fâ cun cdn., soredut intun contrast, intune situazion di ostilitât:  a Doro i veve sivilât: "Cun te o fasarìn i conts dopo" (Gianni Gregoricchio, Îr e doman); al mi à dit che o fasarìn i conts. Ce conts varessino di fâ? Vevio jo di fâ un zurament fals par chê biele ghigne di tirecampanei alì? (Josef Marchet, Lis predicjis dal muini)
3. loc.v. vê a ce fâ cuntune cierte situazion o cundizion, dispès di dificoltât:  scugnî fâ i conts cu la invidie dal borc (Maria Forte, La tiere di Lansing)
   
   1. soredut in espressions negativis, tignî in considerazion alc o cdn. che al podarès vê impuartance:  no vin fat i conts cun chê mostre di robe che si clame amôr (Costantino Smaniotto, Co l'amôr al cimie)
4. loc.v. fâ une valutazion, ancje personâl e fûr di lûc, ancje domandant a cdn. di cjapâ sù lis sôs responsabilitâts:  "Che al fermi, che al fermi…! Nol à di vignî lui a fâmi i conts in fat di religjon…" (Alviero Negro, Int di masnade)

Components:

• cont¹ s.m.
• fâ v.tr., s.m., v.intr.