Dizionari de Lenghe Furlane

dâ cont    [CO]

1. loc.v. fâ savê, informâ di un fat, di une situazion, di une dinamiche e v.i.:  "A vô, cjamerâr! Vait a viodi e dopo daitnus cont!" (Alviero Negro, Strumîrs e Çambarlans); [la Agjenzie Regjon Cronichis] e da cont ogni dì dai proviodiments e des ativitâts dal President e de Zonte regjonâl (Erika Adami, La promozion de lenghe furlane sui mass media)
   Sin. rindi cont
2. loc.v. (ancje ass.) cjapâsi la responsabilitât e sopuartâ lis consecuencis o justificâsi devant di cdn.:  "Andree al à di parâ indenant la campagne. Di bessôl. Lui al à di dâ cont di ce che al fâs […]" (Franco Marchetta, Madalene)
   Sin. rindi i conts , rindi cont

Components:

• cont¹ s.m.
• dâ v.tr., v.intr.