operazion
/-òn/
o|pe|ra|zi|on
[FO]
-
s.f.
at o complès di ats indreçâts a di un fin:
la pompe Sprengel e dopre il mercuri pe espulsion dai gas de ampole e la operazion e durave oris (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât);
la idee dai politics che a àn volût cheste operazion [il riordin fondiari] e jere di incressi lis potenzialitâts de agriculture (Max Mauro, Un Friûl difarent: i 90 mhz di Onde Furlane)
Sin. azion1
, manovre
, at
, ativitât
-
s.f.
[CO, TS]
med.
intervent chirurgjic:
un altri atac lu varès obleât a fâsi operâ: une operazion che la riessude daûr des statistichis lis plui favorevulis e jere mancul dal vincj par cent (Amedeo Giacomini, Tal ospedâl);
al è stât dut un lâ fûr e dentri dal ospedâl e dal 1990 incà Rosane e à fat cinc operazions (Cristina Noacco, Faliscjis)
Sin. intervent
-
s.f.
[TS]
milit.
complès di ativitâts militârs:
o vin scuvierzût la esistence di Gladio, de operazion "Stay Behind", ven a stâi "reste scuindût" (Angelo Floramo, Cuintristorie dal Nûfcent 1990-2000);
La Marmora al de l'ordin di fermâ la operazion, disint che nol intindeve movisi fin che no rivavin i rinfuarçs dal gjenerâl Ferrari (Giovanni Pillinini, Zuan Batiste Cavedalis - Une vite esemplâr)
-
complès di azions coordenadis, ancje armadis, ma no dome militârs:
lis fuarcis di polizie a àn blocât ancje l’acès ae sede di Donostia dal partît indipendentist EHAK par une percuisizion. Daûr de operazion al è un ordin dal judiç Baltasar Garzón (Carli Pup, Paîs Basc: impresonade la dirigjence di Batasuna)
-
s.f.
complès di azions coordenadis, o ancje spontaniis, cun grande partecipazion:
la operazion Conoscenza in festa e à un ciert valôr politic par promovi l'Ateneu a nivel talian (Marc Stolf, Conoscenza o ‘con o senza’? O ‘senza’ e vonde?)
Sin. campagne
-
s.f.
[CO, TS]
mat.
ognidun dai procediments di adizion, sotrazion, moltiplicazion e division:
Ce che tu âs fat e je une division, la operazion contrarie de moltiplicazion (Scuele Primarie Sant Vît di Feagne, Matematiche in furlan)
-
s.f.
[TS]
mat.
algoritmi matematic che di un o plui elements indi prodûs un altri
Sin. leç di composizion