Dizionari de Lenghe Furlane

campagne  /-pà-/  cam|pa|gne  [FO]

1. s.f. zone cun cjamps, culturis, cisis, boschetis e v.i., cun pôcs cjasâi:  al rivà il cjalt, e cun chel e cu la ploie la campagne e deventà in pôc timp un splendôr (Carlo Sgorlon, Prime di sere)
   Sin. taviele ipon.
   Var. cjampagne
   
   1. zone agricule juste fûr di une citât o di un paîs:  tal 1350 i soldâts di ciertis fameis de nobiltât furlane a assaltarin il Patriarcje juste inte campagnedi S. Zorç e lu maçarin (Agnul di Spere, Sant Zorç de Richinvelde); si continue a vendemâ, a cuei e a semenâ, tes campagnis di Cjamplungut (Arturo Feruglio, I stivâi di Zuan Batiste)
   2. estension di tiere lavorade o di lavorâ:  la grant part dai siei operaris e ven dai paîs. Ognidun di lôr al à campagne di atindi (Gianni Gregoricchio, Barbe Masaniello)
   3. il mont rurâl, di cuintri a chel urban:  e par stâ cun te sôl e in libertât / scjampi da la citât. / In campagne, in campagne / tu sês, Malinconie, la grant compagne (Pieri Çorut, La Malinconie)
2. s.f. tiere lavorade o di podê lavorâ:  Zuan Pierès […] nol veve campagne fûr di un roncut e di cuatri cumieris (Meni Ucel, A marcjât); pensâ ai lavôrs de campagne che massime te buine stagjon no dan recuie (Pieri Somede dai Marcs, La braide)
   Sin. cjamp , tiere
3. s.f. complès di operazions militârs coordenadis:  al à fate, tai alpins de Julie, la Grecie e la Russie, campagnis tremendis de Ultime Vuere (Ivano Urli, Il conducente)
   Sin. spedizion , vuere iper.
4. s.f. schirie di iniziativis coordenadis cuntun obietîf particolâr:  zuìno di bussulots? E dute la campagne autonomistiche dal 1922 e 23 ce ise stade? (Josef Marchet, Cuarde e savon); la Sagrada Familia, nassude come templi riparadôr, e voleve rispuindi ae campagne di laicizazion che e veve invadût la Spagne dopo dal 1870 (Antoni Beline, Sant Jacum, là che al finìs il mont); campagnis par educâ i citadins ai stîi di vite sans, ae ativitât fisiche […], ae atenzion sul mangjâ (Carli Morandin, Interviste a Attilio Maseri)

Polirematichis e espressions idiomatichis

• lassâ che la magne e ledi pe campagne loc.v.

Proverbis:

• campagne tante che si po viodi, cjase tante di stâ a sotet
• lasse che la magne a ledi pe campagne
• lasse cori la magne pe campagne
• scure la marine: mangje, bêf e sta in cusine; clare la montagne: bêf e va in campagne
• se al plûf a Ssant Laurinç, la campagne le vinç
• se tu i puartis afiet a la tô prole, atint a la campagne