intervent
/-ènt/
in|ter|vent
[CO]
-
s.m.
l'intervignî, l'agjî intun event o intune situazion par mudâ la sô maniere di davuelzisi:
la part nordocidentâl de aree e sarà interessade dome di un intervent di restaur ambientâl (Marc Stolf, Vie libare ae sistemazion ambientâl de ex gjave di là de Tor);
inte suaze dai intervents de leç regjonâl n. 15 si previodeve di sburtâ lis trasmissions televisivis par furlan su lis rêts privadis (Max Mauro, Un Friûl difarent: i 90 mhz di Onde Furlane);
lis fuarcis dal ordin a àn scugnût fâ un altri intervent te istesse zone, dal moment che un trop di cinc zovinis […] a vevin tacât a barufâsi (Redazion il Diari, Scurtissade fûr de discoteche)
Sin. azion1
, intervenzion
, opare
, partecipazion
-
s.m.
[TS]
sport
tal balon, azion fate di un zuiadôr par cjapâ la bale:
lis primis ocasions a son dai ospits, cun Pellegrini che nol rive a tirâ in puarte in graciis di un intervent di Pereyra (Marc Stolf, Udinese - Roma 0-1)
-
s.m.
il fevelâ par fâ savê informazions, opinions e v.i., massime intune ocasion formâl:
al è passât sù par jù un an di cuant che si vin cjatâts a Sant Lurinç par fevelâ di autoguvier, regjons, nazionalitâts e Europe. Il gno intervent di in chê volte al tocjave diviers argoments de atualitât dal moment (Marc Stolf, Corsiche, Scozie, paîs Basc, Catalogne, Friûl… Europe);
o podarès tacâ a tabaiâ ma no varès voie che il gno intervent al sedi inoportun (Checo Tam, La maree nere)
-
s.m.
[TS]
polit.
partecipazion a un conflit:
la cussì clamade Republiche moldave dal Dniester, nassude tal 1990, e veve otignût la sô indipendence di fat intal 1992 dopo cuatri mês di conflit in gracie dal intervent massîf dal esercit rus (Carli Pup, Moldove: a cressin lis tensions tra filorumens e filorùs )
-
s.m.
[TS]
dir.civ.
partecipazion intun procès di cui che al pense di vê un interès rilevant dal pont di viste juridic
-
s.m.
[TS]
med.
su di un malât, cualsisei azion che e vedi chê di gjavâ vie lis formis patologjichis par fâ tornâ normâl la funzionalitât dal cuarp:
prime dal intervent e ven fate, su la fonde dai risultâts dai esams clinics e di une radiografie particolâr, la planificazion preoperatorie (ASS3, Protesi di ombul)
Sin. operazion ipon.