par cont so
[FO]
-
loc.av., loc.adi.inv.
intun lûc separât di altris o intune situazion in cualchi maniere separade, cence tancj contats o leams:
i pagans in cualchi câs si puedin sconfondi cui salvans, ma si somein di plui cui oms come aspiet. A vivin par cont lôr (Sandri Carrozzo, Friûl di Magance)
Sin. par so cont
-
loc.av., loc.adi.inv.
cuntune proprie individualitât o autonomie:
l'articul 108 che al meteve il Friûl tal numar des Regjons par cont so, ma sot di chê molene che si clame la autonomie normâl (Josef Marchet, Furlans autonomiscj platonics);
al jere miôr che ognune si fos rangjade par cont so (Maria Forte, Cjase di Dalban)
Sin. par so cont
-
loc.av.
cence calcolâ altris elements, altris efiets, altris situazions e v.i.:
no si trate dome di decidi se doprâ o no doprâ segns cu lis pipis, che za par cont lôr a metaressin in dificoltât chei che a scrivin cu lis machinis di scrivi mecanichis che si doprin chenti pal ordenari (Adrian Cescje, Memoriis di politiche linguistiche)
Sin. di bessôl
, bessôl
, par so cont
-
loc.av.
cun sens di complement di limitazion o par dâ plui enfasi ae funzion dal subiet e ae sô individualitât, ancje in contrast cun altris:
"Tu impararâs ben! Par cont mio, jo no tâs, ve! Se mi tocjin, o dîs dut ce che mi ven sù" (Ercole Carletti, Mariute);
il Concili al nomenà patriarcje Sandri di Marzovie, che al jere vescul di Trent. Il pape, par cont so, al nomenà invezit Luduì Trevisan che al jere di Vignesie (Josef Marchet, Cuintristorie dal Friûl fin sot la Italie)
Sin. di bande sô
, de bande sô
, par so cont
-
loc.av.
in rapresentance o tal interès dal subiet:
o ai vût l'incuintri cul assessôr de Provincie di Udin […]. Jal veve domandât par cont gno il nestri Mario Comin (Adrian Cescje, Memoriis di politiche linguistiche)
Sin. par so cont
-
loc.av.
daûr de opinion dal subiet:
"E po, ti parial, par cont to, di vê timp di piardi?" (Ercole Carletti, Mariute);
par cont gno, la vocazion multiculturâl di cheste Regjon e larès valorizade cetant di plui (Walter Tomada, Riformis istituzionâls, autonomie simpri plui roseade: ve parcè. Nestre interviste a Elena D’Orlando)
Sin. par so cont
Components: