rispietâ
ris|pie|tâ
[FO]
-
v.tr.
considerâ e tratâ cun stime, rivuart, riverence:
o vin di vê chê: che nus rispietin chei altris cuant che nô o sin dispuescj a rispietâju lôr (Francesc Placerean, Mai separâ la religjon de vite, Diu dal mont, l'om di Diu);
tai ultins vincj agns, lis personis si son fatis plui studiadis e a àn tornât a discuvierzi e a rispietâ lis lôr lidrîs (Dree Venier, Giannola Nonino: une rivoluzion partide des lidrîs)
Var. rispetâ
Cfr. onorâ
, riverî
-
v.tr.
evitâ di fâ dams, di violâ, di lâ cuintri i dirits, la dignitât, il valôr di cdn. o di alc:
tal Stât talian - cemût che o savìn ben achì in Friûl - si fâs pardabon une fature mostre a rispietâ la diversitât e ancjemò prime a dâi acet e a ricognossile (Marc Stolf, Un velo pietoso);
rispietant la vite privade o procurarai di scuvierzi i altarins di ducj chei che a son, o che a vuelin montâ sul cjandelîr (Guido Antonioli, Florean dal Palaç, I, 1)
Sin. salvâ
, sparagnâ
-
v.tr.
lâ daûr di un ordin, di une norme, di un dogme, di une tradizion, di un impegn e v.i.:
cualchidun, cuant che al dîs leç, al intint il gredei di regolaments, di disposizions, di robis scritis sepi Diu dulà, ma di scugnî fâ e di scugnî rispietâ (Riedo Pup, I furlans e la leç);
i atletis a zuravin di rispietâ lis regulis olimpichis daspò di vê sacrificât a Zeus sul altâr (Adrian Cescje, Viaç aes origjins dal Logos)
Sin. osservâ
-
v.tr.
tignî cun rivuart alc che al podarès vuastâsi, ve dams o fâ dams:
«Avonde, avonde» dissal lui «se no ves chê gjambe che le seree… Eh, sì, venis varicosis di rispietâ e tignî di voli…» (Maria Forte, La tiere di Lansing)
Sin. salvâ
-
v.tr.
mantignî la corispondence cu la realtât o cuntun origjinâl, cuntun model o sim.:
[tai insiums] no ven rispietade la organizazion logjiche dal spazi e dal timp (Anastasia Fabbro, Franc Fari, Sui insiums di Aelius Aristides: une analisi neuropsicologjiche)
Sin. osservâ
Proverbis:
- al vûl rispietât il cjan dal paron
- bisugne rispietâ se si vûl sei rispietâts
- cui che al fâs lis leçs al à di rispietâlis
- cui che al vûl jessi rispietât che al rispieti
- cui che nol rispiete chei altris no si rispiete nancje se stes
- cui che nol rispiete la usance al mancje di creance
- cui che nol rispiete se stes nol rispiete nancje chei altris
- cui che nol rispiete se stes nol vâl un ves
- cui che nol sa rispietâ nol è rispietât
- rispiete se tu vûs sei rispietât
- se Diu al vûl, bisugne rispietâ la sô sante man