onorâ
o|no|râ
[AF]
-
v.tr.
dâ onôr, ricognossi i merits cun rispiet e amirazion, ancje in mût public e uficiâl:
la Italia, vignuda tal so paîs, si à recuardât di dut al ben che la Catinuta a veva fat e la à onorada come che meretava (Ugo Pellis, Catinuta);
parfin i citadins di Udin a vevin onorade la blave e a vevin clamât cul so non une biele place de citât (Riedo Pup, I furlans e la blave)
-
v.tr.
fâ ogjet di devozion religjose:
[il gno pinsîr plui cjâr] / al è il vuestri adorabil Altâr: / e culì jo us onori, jo us laudi / par laudâus e adorâus là sù in cîl! (Zuan Batiste Galeri, Il furlan a messe);
e [Mercuri] sul moment istès al fo onorât / par dio dei mercjadants, / dei laris, dei trufons, / famôs par tignî man a cuintribants (Pieri Çorut, Il Strolic furlan par l'an 1830)
Sin. venerâ
, adorâ
-
v.tr.
jessi motîf di onôr:
no je chê la int che e onore la tiere dai siei paris (Josef Marchet, Fevelâ par dibant);
"Che al lavori, Ferui, e che si tormenti, par onorâ la Furlanie !…" (Arturo Feruglio, Can da la ue di Titute)
-
v.tr.
compuartâsi in maniere di fâ viodi che si presein i merits, lis cualitâts di cdn. o la sô persone, ancje in formulis di cortesie o sim.:
il plevan par ducj chescj servizis lu onorave invidantlu a gustâ il dì dal Perdon (Angelo Covazzi, A gustâ dal plevan)
-
lâ in visite:
o fâs invît aes damis de contrade / di onorâ cjase mê (Pieri Çorut, La sagre di Bolzan);
"Che al sepi che il governadôr… al onore dispès la nestre cjase… e nus è facil rivâ fin a Viene… a nô…" (Alviero Negro, Int di masnade)
-
v.tr.
rispietâ e meti in vore i tiermins di un contrat, di un acuardi, di un impegn e v.i.:
i tornave tal cjâf il pat fat cul diaul e al viodeve, ogni dì di plui, a vignî dongje la ore di scugnî onorâlu (Roberto Ongaro, Cretevierte);
pre Bepo al è lât predi parcè che al jere convint de sô vocazion e de sô mission e al à onorât par dute la vite cheste sô sielte (Antoni Beline, Mestri di resistence inteletuâl)
Proverbis:
- cui che al onore i abits, i abits a onorin il paron
- onorimi se tu vûs che ti onori