sparagnâ
spa|ra|gnâ
[FO]
-
v.tr.
(ancje ass.)
no spindi:
«No mangji mai di matine» al rispuindè, ma e jere une bausie par sparagnâ cent francs (Carlo Sgorlon, Prime di sere);
[molâ di fumâ] al fâs ancje sparagnâ un biel pôcs di bêçs (Guglielmo Pitzalis, Stude i spagnolets!);
«Al è pal to ben… se si sparagne si cjate, une altre dì…». Chê e jere la solfe di done Pine, sparagnâ, tignî cont (Pieri Menis, Chei di Muraie);
une volte al jere cussì di mode sparagnâ, che adiriture a sparagnavin ancje i siôrs (Riedo Pup, I furlans e la culumie)
Sin. meti in bande
, tignî di bande
, tignî di cont
, tignî in bande
, salvâ
-
v.tr.
doprâ in pocje cuantitât o ancje no doprâ:
stradons, otomobii, picicletis, cjavai, mus, tramvais e polvar… […] O podevi ancje sparagnâ la patine des scarpis!… (Arturo Feruglio, Viaç a Vignesie)
Sin. salvâ
, tignî di bande
, tignî di cont
-
fâ che alc al sedi plui curt, plui svelt, mancul sfadiôs e v.i.:
a ôr al è un flum e si tratarès cumò di passâlu par sparagnâ strade (Ivano Urli, Storie di Vera);
no usìn mai a disfredâ la mignestre: par sparagnâ timp le mangjìn sbrovent (Luigi Gortani, Sant Martin)
-
v.tr.
no fâ alc:
o sparagni di domandâi di tornâ a ripeti chel che al mi veve dite prin, parcè che al somee vonde clâr (Sandri Di Suald, Ah! la provincie)
-
v.tr.
evitâ, no fâ subî:
cun pocje spese tu varessis podût fâ plui buine figure e sparagnâmi tantis penis (Pieri Somede dai Marcs, Cun pocje spese…);
o vin vude la sorte […] di viodi in funzion, in altris paîs, chel ordenament che o vin tal cjâf, di misurâ i vantaçs che al puarte e lis rognis che al sparagne (Josef Marchet, La regjon in pericul);
o ai cirût di cuietâmi. Nuie ce fâ. Al à stât Sandri a sparagnâmi une brute figure (Gianni Gregoricchio, Trê feminis)
-
v.tr.
tignî fûr cdn. di impegns o di fadiis masse grancj:
[i fruts une volte] a vevin di jevâ a buinore; di talpinâ dut il dì; di sparagnâ i vecjos sun ducj i lavôrs (Riedo Pup, I furlans e i frutins)
-
v.tr.
no colpî, no copâ o fâ che alc o cdn. nol vedi dams:
e li [i carabinîrs] ti copavin un su ogni dîs, chei pôcs disgraciâts che i mucs a vevin sparagnât (Alan Brusini, Come tai romançs);
a tremin di pôre i biâts furlans scjampadiçs e a prein il Signôr che ju sparagni e che ju deliberi des sgrifis dal forest (Josef Cjargnel, Il cjistiel di Udin);
«La vuere no cognòs confins; no sparagne nissun; e je un flagjel di Diu, Toni!» (Tarcisio Venuti, La cjase di Toni)
Sin. lassâ
, salvâ
-
no cjacarâ mâl o no fâ critichis:
o ai introdusude la sentade cuntun coment de letare di Moret inviade a chei de Comission e al assessôr. No jes sparagni (Adrian Cescje, Memoriis di politiche linguistiche)
Polirematichis e espressions idiomatichis
Proverbis:
- al è miôr sparagnâ il flât par cuant che si à di murî
- bisugne sparagnâ la ombrene par cuant che al plûf
- cuant che al è di fâ ben no son, cuant che al è di fâ mâl no si sparagnin
- cui che al sparagne, la gjate e magne
- cui che al vûl gjoldi di domenie che al sparagni la sabide
- cui che nol sparagne di zovin al stente di vieli
- il centesim al è piçulit ma a sparagnâlu al fâs profit
- il claut vieri al sparagne chel gnûf
- se no ai reson, a sparagnâ la bocje o pâr plui bon
- se reson no ai, miôr che o sparagni la bocje e che o pai
- sparagne par no murî, no stâ murî par sparagnâ