paidî
pai|dî
[CO]
-
v.tr.
digjerî:
la crapule passade à fat cuartîr / intal stomi dal vieli, e spes al dûl / chel stomi, che cumò vuaste un pignûl, / di zovin al paidive un lôf intîr (Ermes di Colorêt, I, 260);
a vevin mangjât tant, par vie che il petit al ven mangjant, ma cumò si scugnive pûr paidî in pâs chel tant che si veve mangjât (Pieri Piçul, Storie dal popul furlan)
Sin. digjerî
Cfr. mandâ jù
, parâ jù
-
v.tr.
rivâ a imparâ, a capî, a savê:
cuant che o vevi scomençât a paidî un alc di chê lenghe in prime latine, o ai vût cûr une volte di domandâi se jê, mê none, e capive chel che e diseve [tes preieris] (Nin dai Nadâi, Rosaris)
Sin. cjapâ sù
, assimilâ
, imparâ
-
processâ a nivel psicologjic o emotîf:
no si dismentee nuie te vite: dut si paidìs (Dino Virgili, Ombrenis sul liston)
-
v.tr.
sopuartâ, patî malvulintîr:
la mê Lise (la ex morose) e je vedrane / e vedran fossio ancje jo; / jo paidìs la mê cristiane, / jê mi ûl ben forsi ancjemò (Popolâr - Giovanni Battista Zorzin, Un malmaridât);
chel moment di disgracie che il popul dal bosc al scugnive paidî cun rassegnazion (Roberto Ongaro, Il pecjât di Mosè)
Sin. patî
, subî
, supâ
, gloti
, sopuartâ
, pipâ
-
v.tr.
paiâ lis consecuencis di alc, soredut di une colpe, ancje in costruzions pronominâls:
a rivarin adore di stropâi la bocje, minaçantlu di fâje paidî se si fos azardât a dî une sole peraule sun dut chel che al veve viodût (Luigi Gortani, Un paîs misteriôs);
"Lassimi a paidî il mâl che ti ai fat" (Dino Virgili, La aghe da pît la cleve);
il delit dai fîs di Jacop al è orent e Diu si impegne a fâural paidî midiant di causis naturâls ancje masse frecuentis (Antoni Beline, Sant Jacum, là che al finìs il mont)
Sin. paiâ
Cfr. paidîlis
Polirematichis e espressions idiomatichis