Dizionari de Lenghe Furlane

assimilâ  a|ssi|mi|lâ  [CO]

1. v.tr. calcolâ simil, de stesse sorte, compagn:  intun inzirli di simbui e visions che a partegnin insiemi al passât plui lontan, ae ete de invasion veneziane o al presint plui moderni, i Furlans a vegnin assimilâts ai Celtis (Sandri Carrozzo, Otmar Mainardis)
2. v.tr. fâ deventâ compagn:  la societât furlane e je stade assimilade ae societât taliane prin traviers i mestris di scuele e la burocrazie aministrative e po, a scomençâ dai agns 60, traviers la television (Adrian Cescje, Memoriis di politiche linguistiche)
   Sin. omologâ , vualivâ
3. v.tr. [TS] ling. in fonologjie, adatâ o fâ deventâ compagn un foneme a un altri che al è dongje
4. v.tr. [TS] biol. di un organisim, doprâ sostancis nutritivis par otignî energjie, par fâ funzions biologjichis o par formâ struturis:  nol è nuie di plui salutâr che assimilâ la plui grande varietât di vitaminis che la Nature nus da (Margherita Timeus, Colôrs de nature); par assimilâ e doprâ miôr il calci a son fondamentâi il soreli e la vitamine D (Guglielmo Pitzalis, Ocjo ai vues!)
   Cfr. assorbî
5. v.tr. (fig.) imparâ:  inte verifiche che o fasei su la comprension dai argoments che o vevi tratât, al risultà che ju vevin assimilâts compagn o miôr che se ju ves tratâts in lenghe taliane (Adrian Cescje, Memoriis di politiche linguistiche)
   Sin. cjapâ sù , capî , imparâ , assorbî