digjerî
di|gje|rî
[CO]
-
v.tr.
processâ ce che si à mangjât in mût di assimilâ i elements nutritîfs:
ma in Udin plui di cualchi scaletîr / al strapace il mistîr: / [lis fuiacis] san di freschin, son garbis, incodidis; / cussì no puedin jessi digjeridis (Pieri Çorut, Picoli)
Cfr. mandâ jù
, parâ jù
-
v.tr.
ripiâsi dopo di une grande mangjade o bevude:
al è ancjemò daûr a digjerî la plombe di jarsere (Giovanni Gortani, Sot consei di vuere)
Sin. mandâ jù
, parâ jù
-
v.tr.
(fig.)
frontâ cun pazience alc che al pese, che al strache, che al stufe, che no si volarès e v.i.:
la Bete e à cjolt chel forest, che, dopo, si è palesât un demoni, cundut che nol veve vût nie ce dî dai milante rosaris che al veve scugnût digjerî devant di sposâle (Meni Ucel, Rosaris)
Sin. mandâ jù
, parâ jù
, sopuartâ
, gloti
-
v.tr.
(fig.)
rivâ a capî o a processâ a nivel psicologjic:
ce isal restât di chê esperience [de reazion spontanie ma organizade al taramot] di là de retoriche? Forsit e je une esperience che no je stade digjeride, no sai ce che al è passât a lis gjenerazions dopo dal '76 (Mauro Della Schiava, Tra lis tendis cui predis)