pipâ  pi|pâ  [CO]

  1. v.tr., v.intr. fumâ tabac cu la pipe:  Rico (otante agns) al è tal cjanton dal fogolâr là sù insom, su la sô cjadree, e al pipe (Meni Ucel, Enio e Rico)
    Sin. fumâ iper.
    1. fumâ tabac ancje in altre maniere:  al impiave il so «virgjinie» e al pipave di gust, cidin, cjalant il fum che al svolave sù (Pieri Menis, Il «trono» dal von); simpri disponibil cun ducj, simpri inclinât ancje a bevi un bon tai in compagnie o a fâ une partide di cjartis, pipant un toscan scrocât a un dai zuiadôrs (Enrico Martina, Ricuarts e inlusions)
      Sin. fumâ
  2. v.tr. (fig.) sopuartâ alc di negatîf:  come che o disevi, jo [lis regulis] lis cjati ordenariis, ma di istès o ai di pipâlis, calcolant che in famee o ai une sûr di cuatri agns che no lis à ancjemò memorizadis dutis (AAVV, Sul florî)
    Sin. patî , subî , paidî , gloti , sopuartâ , supâ