sfulminâ
sful|mi|nâ
[CO]
-
v.tr.
cjapâ cuntun folc:
"Diu mi sfulmini, cjo, e Diu mal perdoni, ma se o soi a vignî a Sante Margarite, no ven piç" (Riedo Pup, Predis di ogni fate)
Sin. fulminâ
Var. sfolmenâ
Cfr. strafulminâ
-
v.tr.
colpî o brusâ o copâ cuntune scjarie eletriche:
e cjate dentri il nît i cisilins / ducj i trê sfulminâts da la corint (Enrico Fruch, A une cisile)
Sin. brusâ
-
v.tr.
(fig.)
copâ sul colp:
cjaçadôrs par ogni paîs che a sfulminin dut chel pôc di salvadi che al è restât tes cisis (Riedo Pup, I furlans e lis bestiis)
Sin. copâ
, dispicjâ
, tirâ jù
, secjâ
-
v.tr.
(fig.)
cjapâ di sorprese, o fâ impression, maravee, scatûr e v.i.
Sin. fulminâ
-
v.tr.
(fig.)
cjalâ un cuntune voglade direte e cun intensitât:
al rispuint: "Per de qua: sempre driti, sempre driti! ..." Lu ai sfulminât cuntune ocjade (Arturo Feruglio, Viaç a Vignesie)
Sin. fulminâ
-
dai voi, de cjalade, impressionâ cu la lôr intensitât o ancje agressivitât, autoritât, comant e v.i.:
zovin, cuntun çarneli larc e un pâr di voi che a sfulminavin e une vôs che nus faseve trimâ (Pieri Somede dai Marcs, O mi ricuardi)
-
v.tr.
interompi o cidinâ a sec:
Gubian lu veve sfulminât cuntun: "Zito là!" (Gianni Gregoricchio, Îr e doman)
-
v.tr.
(fig.)
finî dal dut e in curt alc di mangjâ, di bevi, bêçs, sostancis, risorsis e v.i.:
une polentone alte come une mont [...] e fumave su la taule. Trente o trentecinc di lôr, ce su lis bancjis, ce par tiere, ce subit difûr de puarte, le sfulminavin intun lamp (Pieri Menis, La scuele dai fornasîrs)
Sin. fâ fûr
, brusâ
, lecâ
, mangjâ
, mangjâ sù
-
v.intr., v.tr.
cori une vore svelt:
a viazâ par mâr patafant lis borascjis: in caroce, in carete o in cariole; in vapôr a sfulminâ lis stradis (Toni Broili, I trucs furlans 1847);
o vin di lâ indevant... / Trevîs... Verone... e vie po sfulminant (Pier Silverio Leicht, Il discors dal re Alboin ai Longobarts)