sgjavâ
sgja|vâ
[AF]
-
v.tr.
(ancje ass.)
fâ une buse, in gjenar par tiere o intune superficie, tirant vie materiâl:
il pizighet di bessôl, dut cidin, al continuà a sgjavâ la tiere, fin che al sunà misdì (Pieri Menis, Zilugne);
i Batistons a sgjavarin juste sul çuc une grande fonde, e sù i mûrs maestris de cjase, la lobie, la arie, il toblât, i cjôts (Dino Virgili, La aghe da pît la cleve)
Sin. ingjavâ
, mangjâ
, roseâ
-
tirâ vie materiâl par fâ une buse o par liberâ alc che al è cuviert o par doprâ chel materiâl intun altri puest:
sgjavant la glerie bande Soreli jevât forsit a jerin comparîts prime la piere e tun secont timp i vues (Lucio Perès, Une lance longobarde cjatade a Baracêt)
-
ancje cun subiet inanimât:
la aghe fonde si fâs un jet mol di fueis e di muscli e e po sgjavâ cunis e concjis sot i rivâi (Maria Forte, Cjase di Dalban);
lis gjeometriis che il timp al veve sgjavât tal ciment di chel mûr, gjeometriis che a parevin la scriture di une civiltât scomparide (Stiefin Morat, Kebar krossè)
-
v.tr.
(ancje ass.)
fâ un sgjâf archeologjic, tirâ vie materiâl par scuvierzi reperts, liberâ reperts di materiâl che si è ingrumât parsore:
a rivarin ancje i todescs, che a sgjavarin tra il 1775 e il 1881 e a tirarin fûr la plui part des oparis che a son cumò in esposizion tal museu dongje dal sît (Adrian Cescje, Viaç aes origjins dal Logos)
-
v.tr.
(ancje fig.)
dâ plui rilêf, fâ jessi o fâ someâ plui definît o cun ingjâfs plui profonts:
la ultime lûs e faseve plui blancjis lis colonis antighis, là sù in alt, e lis sgjavave di un fonts di cîl che al jere daûr a scurîsi (Maria Forte, Cjase di Dalban)
Sin. intaiâ
, sculpî
-
v.tr.
(fig.)
cirî in profonditât, ancje alc di imateriâl:
mi soi cjapade di sgjavâ fin insom inte mê vite e inta chês des feminis de mê famee (Gianni Gregoricchio, Trê feminis)
Sin. cirî fûr
, scandaiâ
, lâ insot
-
v.intr.
(ancje fig.)
jentrâ in profonditât:
cuant che ogni ilusion i mancjà e cirì dome di sierâsi te sô cjase, e il dolôr al continuà a sgjavâi insot (Maria Forte, Cjase di Dalban)