Dizionari de Lenghe Furlane

disleâ  di|sle|â  [CO]

1. v.tr. diliberâ di leandis:  i trê zovins [presonîrs] no capivin: a cjalavin il comandant che al stave dant l'ordin di disleâju e no ur vignive in bocje nancje une peraule (Roberto Ongaro, Il muc); disleade la barcje, a montin dentri (Luigi Gortani, Un paîs misteriôs)
   Sin. dispeâ , sleâ
   Var. disleiâ
   Cfr. molâ
   
   1. disfâ un grop o diliberâ alc leât cun grops:  si sêso mai cjatâts imberdeâts par disleâ i leaçs des scarpis […]? (Giovanni Miani, Grops); a misdì al disleave une cuarde intorteade a une colone, e la cjampane grande e sunave (Maria Forte, La rive di Sant Pieri)
      Sin. dispeâ , sleâ , disfâ , disgropâ
2. v.tr. (fig.) fâ che i muscui, lis cumussuris, il cuarp si movin miôr, cul doprâju o cul fâ riscjaldament:  o soi stât jù ancje usgnot jo, par disleâ la gnervadure (Josef Marchet, Lis predicjis dal muini)
   Sin. disgropâ , smolâ , sfrancjâ
3. v.tr. (fig.) diliberâ o discjadenâ un sintiment, une emozion, une idee e v.i.:  li peravali da la Cariluta a mi disleavin a planchin i sintimints (Novella Cantarutti, Il bal da li fati)
   
   1. fâ vignî fûr o lassâ vignî fûr peraulis, discors e v.i.:  ancjemò no disleà peraule (Maria Forte, La tiere di Lansing)
4. v.tr. (fig.) gjavâ di un vincul, di un impegn e v.i.:  i nobii di Buri a àn vût part te Leghe di Trevîs fin cuant che il mes papâl […] ju à disleâts dal zurament cu la citât obleantju a jessi fedêi al stât patriarcjâl (Aministrazion Publiche, Buri - Rescj di cjistiel medievâl)
   Sin. dispeâ , sleâ , disobleâ , liberâ , diliberâ

Proverbis:

• cui che ben al lee ben al dislee