Dizionari de Lenghe Furlane

dispeâ  dis|pe|â  [CO]

1. v.tr. liberâ alc che al è leât, liberâ di alc che al pee, che al lee:  a dispein sveltis la barcje, a saltin dentri (Luigi Gortani, Un paîs misteriôs); e jere la manzute, la Stele, te grepie in bande, nudride juste par chel. Co la dispearin dal tresêf, par lâ a marcjât, chei altris nemâi […] si voltarin a mungulâ (Dino Virgili, La aghe da pît la cleve)
   Sin. disleâ , sleâ
   Var. dispeiâ
   
   1. disfâ alc che al lee:  Nedo si inflapì come un balon che i vebin dispeât il spali (Gianni Gregoricchio, Trê feminis)
      Sin. disfâ , disleâ , disgropâ , sleâ
      Cfr. disgredeâ , disberdeâ
2. v.tr. (fig.) liberâ, lassâ lâ:  a beverin un pâr di tacis prime di rivâ adore a dispeâ la peraule (Tarcisio Venuti, La cjase di Toni)
   Sin. disleâ , molâ , disgropâ , disberdeâ , disgredeâ , slea