dismolâ
dis|mo|lâ
[CO]
-
v.tr.
fâ che alc al deventi plui mol, plui tenar, soredut bagnant o metint in muel:
cuatri gotis di ploie tant che dismole / parsore vie la croste, e i orts console (Pieri Çorut, Pronostic par l'an 1836)
Sin. smolâ
-
(fig.)
fâ che cdn. al deventi mancul dûr, plui facil di tratâ:
"Al è dûr come il pan di sorc!" "Lu dismolarìn! E vedarà!" (Arturo Feruglio, Un grop sul stomi)
-
v.tr.
fâ che alc al sedi mancul tirât, mancul strent:
il pari al discjanà e al dismolà lis lenghetis [de valîs], al zirà la clavute, po al mostrà i regâi (Maria Forte, La tiere di Lansing);
trê oris, trê oris o vin metût par rivâ a dismolâ lis cuardis! Sango bastart! A àn savût di peâti ben, sango bastart! (Stiefin Morat, Donald dal Tiliment)
Sin. smolâ
-
fâ che i cjavei no sedin plui tirâts sù o leâts:
e disgrope i cjavei, ju dismole, ju smondee (Ivano Urli, Storie di Vera)
Sin. molâ
-
(fig.)
fâ pierdi tension gnervose o un stât emotîf che si pues calcolâ tirât o sierât:
Berto al tentà di dî alc altri, che i fos di jutori par dismolâ la difidence di Catine (Gianni Gregoricchio, Trê feminis)
-
v.intr.
impers., riferît al timp, a une cundizion meteorologjiche, lassâ di jessi tant dure, cessâ:
cuant che al dismolà po, che e nulive di bielzà la Viarte, la glace [tal flum] si sclapave cun cricons che si sintiviju fintremai tal paîs (Dino Virgili, La aghe da pît la cleve)
Sin. molâ