colocâ
co|lo|câ
[CO]
-
v.tr.
meti intun ciert puest, o in câs ancje intune cierte situazion o dentri di cierts parametris, riferiments e v.i., ancje cronologjics o astrats:
cul truc di no colâ par tiare, o soi rivât juste in timp a colocâ lis mês puaris cuessis su la banchine di piere (Arturo Feruglio, Viaç a Vignesie);
si sfuarçave di meti un tic di ordin e di colocâ ogni ricuart e ogni impression tal so puest just (Gianni Gregoricchio, Îr e doman)
Sin. logâ
, meti
, plaçâ
Cfr. poiâ
, posizionâ
-
v.tr.
meti a vore, cjatâ un puest di vore par cdn.:
tal 1922, denant di 8.306 prenotazions, l'Ufici al rive a colocâ tal forest 4.843 lavoradôrs (Francesco Micelli, La emigrazion dal Friûl - Vignesie Julie te Belgjiche)
-
v.tr.
fâ che cdn. si maridi:
no à altri pinsîr tal cjâf fûr di chel di colocâ ben chê ocje di sô fie (Vittorio Vittorello, A ogni cost)
Sin. sistemâ
Cfr. picjâ