logâ
lo|gâ
[AF]
-
v.tr.
meti intun lûc, intun puest, intune posizion:
al cjamave lis sôs oparis sul puartepacs che si jere fat fâ di mestri Nart e che al veve logât su la moto, subit daûr de siele (Roberto Ongaro, Cretevierte)
Sin. meti
, posizionâ
, puestâ
, plaçâ
, poiâ
-
dâ puest a alc o a cdn.:
intant a rivin, massime feminis, fruts, vecjos e malâts [che a scjampin te glesie] […]. Cuatri breis poiadis fra dôs balustris a deventin un jet di plui, si tache a logâ robe e int su lis taulis dai altârs (Carlo Tolazzi, La salamandrie tal fûc)
-
mandâ intune cierte sede a fâ une cierte funzion o a stabilîsi:
no cognossint nissun, in chel paisut dulà che lu vevin logât, nol veve cjatât di miôr che fâ une gjite sul flum (Raffaele Serafini, Soreli jevât a mont);
un tenent di cavalarie che al jere stât logât in cjase nestre tai prins mês de vuere (Pieri Somede dai Marcs, Sant Simon: 28 di Otubar 1917)
-
meti intune sede, fâ che alc al sucedi o al funzioni o al sedi in vore intun ciert puest:
al veve logade sot un puarti a cjase sô une scuele serâl pai fîs dai siei sotans (Alan Brusini, Come tai romançs)
-
v.tr.
(fig.)
dâ une cierte ambientazion o une suaze cronologjiche, culturâl, ideâl e v.i.:
il scritôr al à strassomeât inventant la citât di Auria. Tal to film si fevele però di Ourense. Parcè âstu sielzût di logâ il film te citât reâl? (Fabian Ros, Interviste cun Ignacio Vilar);
il stes cristianisim al à logât propri a chest pont [dal an] la nassite di Jesù Crist (Mario Martinis, Dicembar)
Sin. ambientâ
, incuadrâ
, insuazâ