incuadrâ in|cua|drâ [CO]
- v.tr. meti intune organizazion struturade e in gjenar jerarchiche: al si oriente a favôr de formazion di miliziis volontariis reclutadis sul puest e di fuarcis partesanis. Ma chestis a dovevin simpri dipendi di une autoritât centrâl e jessi incuadradis intun sisteme gjenerâl (Giovanni Pillinini, Zuan Batiste Cavedalis - Une vite esemplâr)
- v.tr. meti, considerâ, classificâ intun scheme ordenât o daûr di un criteri ordenât o daûr di un ciert criteri: incuadrâ di un pont di viste storic e glotologjic il furlan (Laurin Zuan Nardin, Tal mâr dai siums); Pasolini, che al incuadrave dut in tiermins di poetiche, al diseve che “la autonomie e covente par creâ civiltât” (Sergio Cecotti, D’Aronco, mestri e spieli di un Friûl che nol vûl molâ)
- v.tr. [CO, TS] fotogr., cinem. cjapâ dentri intal spazi che al ven ritrat inte pelicule o inte riprese: dopo pôcs istants la telecjamare e incuadrà une grande ombre nere e po… plui nuie! Interot il colegament! (Checo Tam, Hommage à Peter Hyams)