insuazâ
in|su|a|zâ
[CO]
-
v.tr.
meti intune curnîs, une suaze, indotâ di une curnîs, di une suaze:
puartâ a insuazâ un cuadri
Sin. incurnisâ
-
fâ di curnîs, suaze e v.i., tignî sierât o incuadrât dentri:
[la catidre e je] decorade cuntun cercli a spine di pes che [al] insuaze une crôs (Bepi Agostinis, Storie de art in Friûl)
-
v.tr.
furnî di alc che al fâs di ornament:
la Siarade e insuaze roncs e cuei - Buri, Rosacis… - cui ciprès in rie su la chirie dai vignâi (Dino Virgili, Friûl di Siarade)
Sin. incurnisâ
, incoronâ
-
fâ di ornament tor ator:
[la strade] si cuchile dal barcon dal fogolâr, daûr, jenfri la fereade e lis frascjis de tee che il barcon lu insuazin (Meni Ucel, Il telegram)
-
v.tr.
(fig.)
riferî a un ciert contest:
Carlo Ginzburg al à cirût di insuazâ il complès dai elements de cunvigne des striis e di crodincis dai benandants intun contest plui larc, rivant a ricognossi une distribuzion eurasiatiche dai fenomens di fonde siamaniche (Sandri Carrozzo, Difusion, origjin comune, morfologjie)
Sin. incuadrâ
, contestualizâ
, meti
, meti a fûc
-
savê riferî al contest just, interpretâ te maniere juste:
si podeve sintî la presince di fuarcis che nol rivave a insuazâ e, di chês, nancje a capî la nature (Fabian Ros, Il lôf)
-
fâ di contest:
une sene che e somee vignude fûr di un film di Buñuel, cussì che ancjetant buñuelians a risultin i personaçs di Don Fernando De Andrada e de sô femine e la situazion che ju insuaze (Fabian Ros, A esmorga)