incurnisâ
in|cur|ni|sâ
[CO]
-
v.tr.
montâ alc, soredut une piture, un dissen, une fotografie, dentri intune curnîs:
un sôl cuadri al veve des figuris di personis e al jere ancje il sôl che Stiefin al ves fat incurnisâ (Mario De Apollonia, Il timp par ledrôs)
Sin. insuazâ
-
furnî alc di une curnîs:
"Al sarès ben che ju incurnisassin di piere [i barcons]" (Maria Forte, Cjase di Dalban)
-
di une curnîs o di un element decoratîf, contignî alc:
cuatri tonts e che a incurnisin i simbui dai cuatri Evangjeliscj (Bepi Agostinis, Storie de art in Friûl)
-
v.tr.
(fig.)
di cualsisei element, ancje imateriâl, jessi tor ator di alc:
la velete di sede blancje e slisse che i incurnisave tant ben la muse (Pieri Somede dai Marcs, La Madone dai siet dolôrs);
chel aiar, cjoc di trombetis e di ligrie, che al incurnisave la sagre (Maria Forte, La tiere di Lansing)
Sin. coronâ
, incoronâ
, insuazâ
, contornâ