coronâ1
co|ro|nâ
[CO]
-
v.tr.
meti une corone o meti alc tor ator dal cjâf:
ducj i Princips unît sot la insegne / de la crôs in eterne aleance; / e butade di bande la lance, / coronaitju di ulîf, o Signôr (Zuan Batiste Galeri, Il furlan a messe)
Sin. incoronâ
-
v.tr.
stâ tor ator tant che une corone:
la prima cjadena dei monts che coronin chista nestra provincia (Federigo Comelli, Il me paîs);
tancj morârs coçonâts che a coronavin il curtîl (Raffaele Serafini, Soreli jevât a mont)
-
v.tr.
(fig.)
rivâ a otignî un grant sucès, a une realizazion impuartante e definitive:
e vuê tu âs coronade la sperance / cun chest to matrimoni benedet, / implantât su la stime e sul afiet (Pieri Çorut, Par lis gnocis Felissent-Turian)
-
jessi un grant sucès, une realizazion impuartante e definitive:
intes vitis dai sants il moment plui alt al è chel de muart, che al à di coronâ in bielece une vite fûr dal ordenari (Antoni Beline, La muart dal just)