ambientâ am|bien|tâ [CO]
- v.tr. dâ a une conte, a une opare teatrâl, a une opare cinematografiche e v.i. une colocazion tal spazi, tal timp, tun contest sociâl, culturâl e v.i.: no podevin fâ di mancul di lâ ta chê citadute, par un gust di tornâ un pôc indaûr ai ricuarts di chel senegjât. Cui si vise se lu vevin ambientât propit te vere fuartece (Checo Tam, Karl Marx Stadt); l'autôr, nassût a Cesclans, al ambiente une storie dramatiche, di valôr universâl, intune Cjargne di miserie e di dignitât, li che si consume un sacrifici trement e inesorabil (Tarcisio Mizzau, La prime stagjon dal teatri stabil furlan a è pronte a partî)