Dizionari de Lenghe Furlane

picjâ  pi|cjâ  [FO]

1. v.tr. tacâ adalt alc:  la none e picjà sul cjadenaç la stagnade grande che par un pôc si niçulà parsore de flame cisicant (Pieri Menis, Il pignarûl); picjâ tai ramaçs lis scjaipulis cui riclams (Maria Forte, Cjase di Dalban); e à fat un cuadri e lu à picjât pal mûr in bande dal altâr (Josef Marchet, Lis predicjis dal muini)
   Sin. dispingjulâ , pontâ , sospindi , tacâ
   Var. impicjâ
   
   1. (fig.) fissâ, meti o tignî tacât di cdn. o di alc:  mi àn dite che lui i à picjât aduès i voi, ce vûstu, e sarà la prime che i plâs e cussì… (Carlo Tolazzi, La salamandrie tal fûc); [al patriarcje Bertrant] i costà cjare, come che e à simpri costât a ducj chei che a àn volût ben al Friûl cence picjâlu daprûf di cualchi interès plui grues e plui potent (Josef Marchet, Il patriarcje Bertrant)
      Sin. tacâ
   2. dâ alc, spec. no preseât, no bon, che al intrighe e v.i.:  aromai o sin al complet: o vin za la piçule patrie, e o vin ancje la grande. Une altre che nus picjin intor o scugnaressin clamâle la «mezane» (Riedo Pup, Furlan jo mame! Triveneto tu frut)
      Sin. sbolognâ , sgnacâ , tacâ
2. v.tr. copâ, justiziâ scjafoiant cuntun laç che al ten sospindût pal cuel il condanât:  il sassin di strade […] lu vevin picjât juste li dal Clapat e lassât la part di trê dîs che lu becotassin i corvats (Dino Virgili, La aghe da pît la cleve); nol à documents, une robe che ai Todescs ur puce di stiç tant di calcolâlu partigjan ustinât che picjâlu al è pôc (Ivano Urli, Storie di Min)
3. v.tr. (fig.) fâ che cdn. si maridi, spec. intun matrimoni pôc fortunât:  "Tu âs masse smanie di picjâlis chês frutis" i diseve (Maria Forte, La fie çuete)
   Cfr. sistemâ , colocâ
4. v.tr. (ancje ass.) fâ un debit, spec. meti alc sul mont, viôt picje e dispicje
5. v.intr. jessi tacât adalt e vignî jù par vie dal propri pês:  un biel pâr di ricjins che a picjavin jù da vuarelis (Jolanda Mazzon, Di là de rêt); sul devant veva un gurmâl selest di seda cun doi flocs, che i picjavin par da banda (Ranieri Mario Cossâr, Gnossis gurissanis)
   Sin. pendolâ , vignî jù , pendâ

Polirematichis e espressions idiomatichis

• picjâ intor loc.v.
• picje e dispicje loc.av., loc.adi.inv., loc.s.m.

Proverbis:

• cui che al à picjât lis luianiis lis dispicje
• cui che al picje i salams ju dispicje
• cui che lis à picjadis lis dispicje
• dispicje il picjât e lui ti picjarà
• dulà che il pari al met il claut il fi al picje il cjapiel
• i dan trê dîs ancje a cui che a àn di picjâ
• i laris piçui si picjiju, i grancj si lassiju cori
• lari piçul no stâ robâ che il lari grant ti fâs picjâ
• lari piçul no stâ robâ che il lari grant ti picjarà
• par debits no mi picjin e nancje in galere no mi metin
• une gjave, une met, une picje sù pal stec