pendâ
pen|dâ
[CO]
-
v.intr.
no stâ in ecuilibri o no stâ dret, tindi a colâ o a lâ di une bande:
i menaus, che a stazavin cul voli savût, il pendâ dal len, a scjamparin lontan e il peç, come rassegnât al so destin, dopo un ultin rezisi impins, come di creature che e vûl resisti, al spacà i leams e si butà dut di une bande (Maria Forte, La tiere di Lansing)
-
v.intr.
(fig.)
vê une cierte tindince o jessi a favôr o disponibil o puartât par alc:
chel plevan li, lu vevin sintût a dî che, se al ves comandât lui, nol sarès lât nancje a benedî là che a insegnavin a doprâ armis par copâ. E daûr dal plevan, e jere un pôc dute la parochie che e pendave di chê bande (Riedo Pup, I furlans e lis armis)
Sin. jessi1
, propendi
, trai
, butâ
, tirâ
-
v.intr.
jessi picjât, o tignût sù, o tignût dome di une bande, ancje movintsi:
la Carla e veve decidût: une cotulone sglonfe, cu la pedane di colôr discompagn, il cas setât su la vite, un grumâl di sede rose e grancj ricjins di aur a pendâ su lis spalis (Maria Forte, Cjase di Dalban);
[la viole] adès a penda amara / da chei lavris di meil (Pier Paolo Pasolini, I doi miracui)
Sin. pendolâ
, pindulâ
, vignî jù
-
jessi sospindût, jessi parsore:
o fasarai taiâ i ramaçs dal cocolâr che pendin su la strade (Pieri Somede dai Marcs, Ursule)
-
di vistît, jessi poiât intor e vignî jù ancje in masse bondance rispiet ae misure juste:
la gjachete di regadin a cuadreluts blancs e turchins i pendave di ca e di là (Pieri Somede dai Marcs, Il gno prin mestri)