ordenâ
or|de|nâ
[FO]
-
v.tr.
dâ un ordin:
bigne che al comandi un sôl e fâ ce che al ordene! (Roberto Ongaro, Il muc);
al viôt denant di se un trop di presonîrs. Il comandant di compagnie al ordene di copâju a metraie (Checo Tam, Mors tua, vita mea)
Sin. decretâ
, disponi
, imponi
, intimâ
, stabilî
, comandâ
-
dâ une racomandazion, une prescrizion:
tu sâs che il miedi ti à ordenât di no cjoli ni cafè, ni licôrs (Pieri Somede dai Marcs, Un pugn di moscjis)
-
v.tr.
(ancje ass.)
domandâ alc di bevi o di mangjâ tun ambient:
cualchidun al torne ta la ostarie, al ordene un altri tai, al peste il pugn sul banc come par fâsi valê (Alan Brusini, Gian Paolo Linda, I forescj);
par parâ vie la smare, o ordeni ancjemò un grant di bire scure (Arturo Feruglio, Viaç a Vignesie);
al ordenà alc di cjalt e la chelare i fasè bocje da ridi (Maria Forte, La tiere di Lansing)
Sin. comandâ
-
v.tr.
domandâ di fâ un lavôr o di fâ rivâ un prodot:
tal indoman Eliseo al le a ordenâ il materiâl. Al saveve ben i puescj, al veve menât tantis voltis cjamis di cjalcine e di savalon pai impresaris (Carlo Sgorlon, Prime di sere);
o ai puartât i colôrs che mi à ordenât il pitôr (Costantino Smaniotto, Co l'amôr al cimie);
al vendè a un oresin dut l'aur e cun chei bêçs - e no 'nd è stâts nancje avonde - al ordenà une Madone di len in Val Gardene cul Signôr in braç (Pieri Somede dai Marcs, La Madone dai siet dolôrs)
Sin. cometi1
, comissionâ
-
v.tr.
[TS]
ecl.
consacrâ e dâ i ordins sacris:
[Luigi Faidutti] al studià prime li dal ’Seminari di Udin po in chel di Gurize, tal 1884 al vignì ordenât predi (Alessio Potocco, 150 agns de nassite di bonsignôr Luigi Faidutti, "deputât furlan al Parlament di Viene")
-
v.tr.
meti in ordin o intun ciert ordin, sedi robis concretis che astratis:
une lenghe e ordene lis robis dal mont intune cierte maniere (Franc Fari, Il cjâf dai furlans);
ordenâ i libris par argoment
Sin. catalogâ
, disponi
, intropâ
, organizâ
, rangjâ
, riâ
, sestâ
, sistemâ
Var. ordinâ
-
v.tr.
[TS]
mat.
fissâ pai elements di un insiemi une relazion di ordin no simetriche e no identiche ma dome transitive