Dizionari de Lenghe Furlane

meti in ordin    [CO]

1. loc.v. meti alc tal puest, te posizion o te maniere che al va ben che al sei metût:  ['Sese] e salte fûr de ostarie cuntun cartel dai presits dal vin che picje fûr de puarte, e met in ordin lis cjadreis e nete il taulin che al è fûr de puarte (Pieri Somede dai Marcs, A la oselade); sul fâsi de sere il lavôr al è finît. O met in ordin lis mapis e o jes a fâ cuatri pas (Alan Brusini, Gian Paolo Linda, I forescj)
   Sin. regolâ , comedâ , sistemâ , disponi , ordenâ
2. loc.v. fâ che alc al sedi in buinis cundizions:  "Ma no saressie ore di meti in ordin ancje chel flic di ort culì denant?" (Pieri Menis, Il fiâr dal plevan); al cjatà robe biele, armârs e panariis, che dopo metûts in ordin i butarin un biel grum di cjartis di mil (Carlo Sgorlon, Prime di sere)
   Sin. regolâ , comedâ , sistemâ , disponi , ordenâ , justâ
3. loc.v. disponi daûr di un ordin, di un criteri:  i nons des plantis si cjatin metûts in ordin in trê formis: Furlan-talian-latin-famee; Latin-talian-furlan-famee; Talian-furlan-latin-famee (Franca Mainardis, E je la ore des plantis)
   Sin. disponi , ordenâ , regolâ , sistemâ
   
   1. organizâ in maniere logjiche, clare, funzionâl:  Tosoni […] al invie di pet une riorganizazion de radio e de programazion. L'obietîf al è di une bande di meti in ordin lis competencis e comedâ lis disfunzions inte struture, che a jerin evidentis, e di chê altre di fâ cressi la professionalitât (Max Mauro, Un Friûl difarent: i 90 mhz di Onde Furlane)

Components:

• meti v.tr.
• ordin s.m.