passaç
/-àç/
pa|ssaç
[FO]
-
s.m.
il passâ par un puest, un spazi, e v.i.:
lis primis monts che a blochin il passaç des massis di aiar umit che a vegnin dal Sud, a àn lis cuantitâts plui altis di ploie e di nêf (Stefano Micheletti, Marcellino Salvador, Notis di meteorologjie pal Friûl - Vignesie Julie);
al tierç passaç [cul avion], l'inglês al jere propit a ret des lûs e, finalmentri, i berlà al so compagn che al spietave cul sportel spalancât: "Okay!" (Roberto Ongaro, Il muc)
Sin. passâ
, passade
, transit
-
moviment migratori dai uciei:
co al jere passaç di dordeis, Tite a 'nt copave tancj che in famee no mancjave mai la cjar (Alan Brusini, Par stradis lungjis);
[la Sierade] si sarès anunziade za in Avost cui prins passaçs di becs stuarts, ortolans, sverzelins e dordinis (Adrian Cescje, Memoriis di politiche linguistiche)
Sin. pas
-
s.m.
puest, sît, lûc par li che si passe:
par jentrâ tal landri si veve di rimpinâsi sù par un passaç intrigât (Josef Cjargnel, La regjine dal Landri);
si scugnive passâ il bosc di Kebespok, une pinede fisse fisse, dulà che nancje di dì nol jentrave il soreli, e il passaç al jere cussì stret che no si stave in trê a pâr (Pieri Menis, Tal bosc di Kebespok)
Sin. pas
, passadôr
, passalizi
, traghet
, viertidure
-
s.m.
toc di un test, di un discors, di un messaç e v.i.:
al è un altri passaç de sentence de Cort costituzionâl che al distrûç l'implant di tutele scolastiche che la leç regjonâl e à tentât (Adrian Cescje, Memoriis di politiche linguistiche)
-
s.m.
il mudâ stât, cundizion e v.i.:
il passaç dal ordin antîc a chel gnûf al puartarà, inte France dal XIV secul, a di une serie di rivoltis popolârs (Fabian Ros, La invenzion dal stât);
i benandants impen a vivevin lis lôr esperiencis estatichis aes Joibis des Cuatri Timporis, antighis datis paganis che a segnavin il passaç des stagjons (Sandri Carrozzo, Benandants e Terapeutis / Terapeutidis)
Sin. cambiament
, mudament
-
il lâ intune altre fase, a di un altri nivel e v.i.:
superade la dificoltât concetuâl di spiegâ l'efiet fotoeletric esterni, il passaç ae spiegazion dal efiet fotoeletric interni e je stade dome une cuistion di timp (Lorenzo Marcolini, Lis celis organichis nanostruturadis)
-
s.m.
viaç curt fat a gratis tal veicul di un altri:
"Doman - martars - o varès dibisugne di lâ a Codroip, copari Jacum", e al continuà, "Mi daressistu un passaç?" (Angelo Covazzi, Avîs pal copari);
par intant si jere ufiert di dâi un passaç cu la machine che al veve lassât tal parc dal aeropuart (Fabian Ros, Un piçul particolâr)
Sin. tîr
-
s.m.
[TS]
polit.
leture, presentazion di mendis e votazion di un test intun orghin colegjâl:
une gnove conferme di cemût che «L'Italia è una e incorreggibile». E je chê che e rive dal passaç ae Cjamare dal gnûf dissen di leç dal Guvier in cont de riforme de Rai e dal servizi radiotelevisîf public (Marc Stolf, Furlan in Rai. L’ordin dal dì e il disordin di ducj i dîs)
-
s.m.
[TS]
cinem.
ogni proiezion publiche di un cine
Sin. proiezion
-
telecom.
ogni singule trasmission di un stes program, che e pues sucedi ancje plui voltis:
dopo dai passaçs di cheste setemane inte programazion di Radio Onde Furlane […] la stesse trasmission e sarà a disposizion in rêt, su Spreaker e su Spotify (Marc Stolf, Babêl Europe 20/2020)
-
s.m.
[TS]
telev.
comparizion intun program televisîf di bande di personaçs famôs
-
s.m.
[TS]
sport
in cualchi zûc di scuadre, il dâ la bale a un compagn di scuadre:
a passin i minûts, il ritmi si manten bon ancje se la precision di passaçs e tîrs e va al mancul (Marc Stolf, Cagliari - Udinese 1-1)
-
inte gjinastiche, il passâ parsore o par sot dal imprest
-
intal salt in alt o inte corse dai ostacui, il scjavalgjâ l'ostacul o la steche
-
intes garis su piste o in circuit, ognidun dai transits di un concorint su la linie di rivade
-
s.m.
[TS]
mat.
trasformazion di une formule intune ecuivalente
Proverbis:
- a concedi un passaç, al devente un transit