proiezion
/-òn/
pro|ie|zi|on
[AF]
-
s.f.
[BF]
dâ un slanç, il butâ, il butâsi e il lôr risultât
-
s.f.
il riprodusi imagjins fissis o in moviment midiant di lûs mandade suntun schermi o suntune superficie:
musiche eletroniche ritmade di balâ, ma cuntune vene di scûr e proiezions di videos sul palc (Checo Tam, La maree nere)
-
spetacul cinematografic:
la jentrade aes proiezions e je libare te fasse orarie de matine e dal dopomisdì, a paiament a son dome lis proiezions des 8 e des 10.15 sot sere (Fabian Ros, Far East Film: lis peliculis di no pierdi)
-
s.f.
[TS]
gjeom.
operazion grafiche di rapresentâ une figure tridimensionâl suntun plan bidimensionâl, e la rapresentazion che e risulte di chê operazion
-
s.f.
[TS]
psic.
atribuzion a altris di intenzions, sintiments, stâts psicologjics che il sogjet par se al refude
-
s.f.
risultât, efiet ancje arbitrari, trasformât, mudât di contest, situazion, timp e v.i.:
[la Res Publica] e je une proiezion politiche, studiade e concuardade, une acuisizion artificiâl fondade su di un pat (pactum sociale) (Angelo Floramo, Ri-cognossi la autonomie)
-
s.f.
l'insuazâ o il meti in relazion cuntun altri timp o cuntune cundizion divierse:
une proiezion di une realtât vere intun altri spazi e intune altre dimension (Stiefin Morat, Kebar krossè);
la classe dirigjente e à di vê une componente numeriche impuartante di zovins, che al è l'element che al da credibilitât a la proiezion temporâl des politichis (Sergio Cecotti, Il risultât eletorâl dai partîts di identitât teritoriâl - A case study: Scottish National Party)
-
s.f.
calcul o prevision fate daûr di dâts, ancje numerics e statistics, che si imagjine che a restin costants o che si evolvin dentri di une dinamiche regolâr:
nol è pussibil in cheste fase di rivâ a cuantificâ in detai la durade des voris […]. No si pues par vie che e covente une simulazion suntun numar di lemis avonde grant/suficient par podê fâ une proiezion (Adrian Cescje, Memoriis di politiche linguistiche)