jessude
/-ù-/
je|ssu|de
[AF]
-
s.f.
(ancje fig.)
il lâ fûr, il vignî fûr e il lôr risultât:
un, devant, al intonà il cjant de tornade: "In convertendo Dominus captivitatem Sion / facti sumus sicut consolti…" E ducj daûrji, in volte, dilunc la schirie; e po il cjant de jessude dal Egjit (Dino Virgili, La aghe da pît la cleve);
ator pe Europe, diviers di lôr si domandin se e je propit vere che la jessude dal Ream Unît de Union e sedi pardabon un fastidi (Marc Stolf, A cui zovial l’acuardi tra Union europeane e Ream Unît?)
Var. issude
-
s.f.
puarte o passaç par là che si va fûr:
al cor viers de jessude par daûr, svuincant taulins e cjadreis, e, no cjatant nissun, si bute te cort (Franco Marchetta, Madalene);
dopo seisi sigurât che in dute la cjase no fossin altris jessudis, si parecjà a lâ daûr de tende, in spiete (Roberto Ongaro, Il muc)
-
dispositîf che al fâs di passaç pe emission o trasmission al esterni di dâts, flus, energjie e v.i.:
il segnâl video te jessude di une telecjamare (Valentino Castellani, La societât de informazion: cirint lis origjins)
-
s.f.
publicazion di un libri, di un gjornâl o di cualsisei prodot:
e merte par altri memoreade la jessude di un gnûf volum, titulât "Sauris/Zahre - Une comunitât des Alps Cjargnelis" (Renzo Balzan, Contâ Zahre)
-
singul numar di une riviste o sim.:
daspò di chescj 7 numars cul non di "La Patrie dal Friûl", si ve almancul trê jessudis di un seguit, che al veve il titul "Patrie dal Friûl" e al fo stampât a Zurì (Agnul di Spere, Une vôs in Svuizare)
-
s.f.
il spindi e la cuantitât di bêçs che a vegnin spindûts:
a àn viert ducj i libris dal belanç, analizant dute la situazion des jentradis e des jessudis (Christian Romanin, Îr valîs di carton, vuê valîs eletroniche)
Sin. spese
-
s.f.
rispueste o espression no spietade, ancje origjinâl o divertente:
"Perdonaitmi, Signôr… / ma un furlan nol po stâ sence polente!" / il Signôr, simpri bon, a chê jessude, / al si sclarìs di ciere, / si cjarece la barbe, / al riduce sot coç (Zaneto Del Puppo, 'Sefut in Paradîs);
Toni al reste ae jessude dal fi; al lasse di lavorâ, al cjale il fi in muse: «Ce dîtu?». (Meni Ucel, Cinc francs)
Cfr. batude
, botonade
, disade
, pontade
-
s.f.
bon risultât:
a vevin pontât su la jessude dal progjet (Raffaele Serafini, Contis sot spirt)
-
s.f.
[BF]
cun iniz. maiusc., stagjon dal an jenfri Invier e Istât:
stagjon che si vierç (Vierte) e che e salte fûr (jessî, Jessude) dal Invier (Piera Rizzolatti, Issude, Vierte, Sierade, Sorunvier e… Vernada)
Sin. Primevere
, Vierte