Primevere
/-vè-/
Pri|me|ve|re
[AF]
-
s.f.
stagjon dal an che e ven daspò dal Invier e prin dal Istât, dispès ancje tant che personificazion in divinitât de stagjon, daûr dai modei de poesie idiliche:
in Primevere la canaie si rangjave a cirî pai prâts panevin e jerbe di Madone (Riedo Pup, I furlans e la fam);
plene il grumâl di flôrs / pardut spandint odôrs, / la Primevere è ca (Pieri Çorut, Primevere - Invît a Tonine);
Nunziadine e tignive ben stret sul cûr un macet di violis. Lis primis che al regalave a la Primevere el rivâl de roie francje (Arturo Feruglio, I stivâi di Zuan Batiste)
Sin. Vierte
-
s.f.
(fig.)
ancje cun iniz. minusc., zoventût:
une vite dute di vivi. L'amôr, lis frutatis cun chê lôr gracie che al veve viodude nome di lontan. Si figurave di sei cun lôr intune gnot cussì, jù pai vignâi dal ronc. Al steve par vivi la prime primevere de sô vite (Alan Brusini, Par stradis lungjis)
Sin. Vierte
-
s.f.
(fig.)
ancje cun iniz. minusc., moment biel, positîf:
e je cheste posizion di pre Bepo che lu à fat ricognossi spontaniementri come "leader" de gnove primevere dal Friûl (Gian Carlo Menis, Il Friûl disferent di Marchet)
Sin. Vierte
-
s.f.
[CO, TS]
cun iniz. muncus., viôt primule
, viôt pestelac
:
une da le primis plantis che al à il coragjo di sfidâ l’Unvier al è il pestelac o primevere (Antonino Danelutto, Il pestelac)
Proverbis:
- un flôr nol fâs Primevere