pontade
/-à-/
pon|ta|de
[CO]
-
s.f.
feride plui o mancul superficiâl fate di un alc di fin e spiçât:
al jere muart vosant di dolôrs [di tetan] par une pontade di clari che al veve cjapât a vore tun cjamp (Pieri Somede dai Marcs, A jerin lagrimis)
Sin. sponte
, ponzude
, sponzude
, becade ipon.
, becadure
-
s.f.
sensazion di dolôr patide dut a bot:
sintî une pontade aes cuestis
Sin. fite
, spine
, stocade
, trate
, ponte
, sponte
-
s.f.
(fig.)
coment contrari, ironic o sarcastic:
se cualchi volte al si permet di dâ une pontade polemiche cuintri gjornaliscj e politicants, no si po dâi tuart (Giovanni Pillinini, Zuan Batiste Cavedalis - Une vite esemplâr);
al fevelave pôc, ma cuant che lu faseve al jere simpri pront a dâ une pontade a sec (Gjovanin Falescjin, Bastian dal for)
Sin. batude
, passade
, passadine
, ponte
, stocade
, botonade
, remenade
, tacade
-
s.f.
il cusî, il comedâ cun ponts e il lôr risultât
Sin. pontadure
-
s.f.
viaç curt o visite curte
Sin. salt1
, scjampon
, visite
, zîr
, passade
-
s.f.
il meti sù une cierte cifre intun zûc di azart
Sin. pueste
, zuiade
Cfr. scomesse
-
la cifre stesse metude sù
Sin. pueste
-
s.f.
toc di une opare publicade in plui voltis in maniere periodiche e ognidune des jessudis periodichis li che e je publicade:
Tessitori al metè jù lis sôs ideis intun saç che al fo publicât, in trê pontadis, di un cuotidian locâl (Roberto Iacovissi, Lis grandis bataiis autonomistis te storie resinte)
Sin. episodi
, butade
, cjapitul
-
ognidune des trasmissions di un program televisîf o radiofonic che si mande in onde in plui voltis:
e rive su la Rai «+sKlet/XtremeTV», une trasmission televisive in 5 pontadis sui sports plui bulos e alternatîfs che si puedin fâ vuê in Friûl (Erika Adami, Sul troi des emozions)
-
(fig.)
episodi, fat che si pues isolâ intune vicende:
si clame Felix Marchi e cheste e je la prime pontade di une lungje storie, che e rivarà fintremai al 1942, di sôs segnalazions tal Caselari Politic Centrâl (Donato Toffoli, Felix Marchi, un soversîf te "Grande Vuere")