visite
/vì-/
vi|si|te
[FO]
-
s.f.
il lâ li di cdn. par stâ in compagnie par amicizie, cortesie, dovê e v.i.:
ogni tant, no dispès, al vignive in visite a so fradi Bepo, nassût prime di lui che al steve tal palaç in place a pene fat (Alan Brusini, Come tai romançs);
domenie a vegnin a fânus visite Mafalde e so fi Berto (Gianni Gregoricchio, Trê feminis)
-
(eufem., iron.)
il lâ li di cdn. in maniere pôc plasevule e cun efiets negatîfs:
al ven a jessi che la altre gnot tu âs vude une visite [dai laris] tal camarin, no mo? (Josef Marchet, Lis predicjis dal muini);
i poliziots […] a vevin za fat une visite a cjase di doi siei colaboradôrs in Friûl: […] a cirin lis provis di une ativitât di cuintribant e di spionaç (Donato Toffoli, Il lunari mai jessût - Tellini te prime vuere mondiâl)
-
s.f.
control des cundizions di salût fat di persone dal miedi sul pazient:
ducj i malâts a stavin a spietâ tes lôr stanziis lis curis o la visite dal dopogustât (Amedeo Giacomini, Tal ospedâl);
ae visite di coscrit lu vevin scartât a colp (Alan Brusini, Amîs come prime)
-
s.f.
viaç fat intun puest par motîfs professionâi, par controlâ lis cundizions di un puest o di un coletîf, par cjapâ contats, informazions, fâ promozion o sim.:
il president dal Ufici [european pes lenghis mancul pandudis], l'irlandês Donnal Ó Riagain, al ven in visite in Friûl, cun chê di viodi cui siei voi chel che si fâs (Max Mauro, Un Friûl difarent: i 90 mhz di Onde Furlane)
-
s.f.
il lâ intun puest par motîfs culturâi, turistics e v.i.:
la visite [a Olimpie] al è ben scomençâle dal Museu (Adrian Cescje, Viaç aes origjins dal Logos);
la visite de glesie fo la plui biele part dal program (Zuan Lurinçon, La Madalene)
Polirematichis e espressions idiomatichis
Proverbis:
- lis visitis raris a son lis plui cjaris