pueste
/-és-/
pues|te
[FO]
-
s.f.
[FÛ]
stazion par cambiâ i cjavai e polsâ:
orsù vô si partîs al viars di France / viars di chê cort, che ogni virtût e bol, / jo us prei bon viaç, e buine stance, / ma no mi lassait pes puestis dal Tirôl (Ermes di Colorêt, II, 216)
-
distance tra une stazion e chê altre di cambi dai gjavai, che in gjenar e jere di vot miis:
da Udin a Codroip e je une pueste e trê cuarts (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
-
s.f.
servizi public pe distribuzion di letaris, pacs e v.i.:
zirant pal mont, cuant che alc lu interessave […] magari une robe di nuie, le impachetave e la mandave par pueste a cjase (Pieri Menis, Sul agâr)
-
ancje tal pl., a voltis cu la iniz. maiusc., aministrazion dal servizi di pueste, complès dai uficis e dal personâl che al mande indenant il servizi:
nô o spedìn il gjornâl ai prins dal mês, ma cun lis Puestis Talianis al rive une dì là, e vot dîs dopo tal paîs dongje (Dree Venier, "La Patrie dal Friûl", biliet di visite dai furlans)
-
ufici postâl:
o ai pronte une buste che o voi cumò in pueste a spedîle in racomandade (Adrian Cescje, Memoriis di politiche linguistiche)
-
s.f.
ce che al ven mandât e che al rive cul servizi public di distribuzion di letaris, pacs e v.i.:
"Siôr paron, è rivade la pueste, un gjornâl e une letare da Udin" (Pieri Somede dai Marcs, Vilie di Nadâl (teatri))
Sin. corispondence
-
s.f.
[TS]
zoot.
ognidun dai scomparts di une stale:
mi ricuardi de stale di Zuan Brugnul […] dople, cul stradon tal mieç, di pedrât; doi agadôrs, un par bande, e dôs riis di puestis comudis […]. E la prime pueste, dongje des vidielis, simpri vueide e libare pe int: che li si lave in file (Riedo Pup, I furlans e la stale)
-
s.f.
[TS]
venat., milit.
puest li che si sta fers in spiete dal salvadi o, in azions di vuere, dal nemì:
Fumo e Nebbia, des lôr puestis, une di sore e une di sot de scuadre republichine, a armavin i mitras fasint ben sinti il scat dai ordegns di muart par fâur capî che a si cjatavin fra doi fûcs (Roberto Ongaro, Il muc);
lâ, metisi, stâ a la pueste, in pueste dal jeur (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
-
s.f.
sume di bêçs che si riscje intun zûc o intune scomesse:
tirâ sù la pueste
-
(fig.)
ce che si riscje in cualchi afâr o imprese o iniziative:
savê spietâ e je une virtût co la pueste e je impuartante (Alan Brusini, Gian Paolo Linda, I forescj)
-
s.f.
[TS]
econ.
element di un belanç:
dentri al sarès dome un cambiament di denominazion in dutis lis puestis ativis (tassazion) e passivis (spese publiche). Tal forest invezit si podarès vê un cambiament di valôr dai debits di prime (Patrizia Tiberi Vipraio, Euro o no euro: isal chest il probleme?)
Sin. partide
Polirematichis e espressions idiomatichis
Proverbis:
- cuant che il fûc al busine: o forescj o amîs a puartâ pueste
- dutis lis letaris no van a la pueste, dutis lis peraulis no mertin rispueste