corispondence
/-èn-/
co|ris|pon|den|ce
[AF]
-
s.f.
il coincidi, il jessi compatibil, simetric o intune posizion o relazion che e je in reson di alc altri:
fâ la verifiche de corispondence dal nestri progjet cun ce che a proviodin i organisims internazionâi (Gabriella Calligaris, No mateâ cu la diaspore);
la aule Sud, clamade ancje aule teodoriane, e jere in corispondence de seconde e de tierce nâf de basiliche di cumò (Giovanni Battauz, Flavio Cossar, Renato Iacumin, I mosaics de basiliche di Aquilee)
Var. corispondenzie
-
il jessi compagn o ecuivalent:
la cuistion no je plui dome di aderence e di corispondence cu la realtât (Fabian Ros, La opare leterarie di Eduardo Blanco Amor)
-
s.f.
rapuart di comunicazion par letare:
di segnalâ la sô amicizie e lungje corispondence cun Pasolini, che le stimulave a scrivi (Laurin Zuan Nardin, Lune gnove di Jugn);
[Daniel Antonini] al podè lavorâ cun Galileo Galilei, mantignint cun lui une corispondence interessantonone di letaris e di pinsîrs che al sarès ce tant impuartant podê publicâ (Angelo Floramo, Daniel Antonini)
Sin. pueste
-
lis letaris ricevudis:
lei la corispondence
-
s.f.
[TS]
gjorn.
relazion di un inviât sui fats locâi o suntun event specific:
a restaran dome doi gjornaliscj, plui un a Triest a fâ la corispondence pe edizion di Pordenon (Dree Valcic, L’orcolat de stampe in Regjon al cambie il sisteme de informazion)
Sin. servizi