intensitât
in|ten|si|tât
[AF]
-
s.f.
il jessi intens, il vê e il fâ notâ une cierte fuarce:
la poesie di Cappello e torne a vivi cun intensitât moments di une storie di amôr (Erika Adami, "Amôrs" in musiche)
Sin. energjie
, fuarce
, potence
, profonditât
, vigôr
, vivôr
-
grât di fuarce, di potence che al à un fenomen, une sensazion, un sintiment, une cundizion, un desideri e v.i.:
o vevi cheste convinzion, che par rivâ a otignî alc si scugnive volêlu cun grande intensitât (Carlo Sgorlon, Il dolfin);
riferiments e digressions che no ducj a puedin capîju e gjoldiju cu la stesse intensitât (Antoni Beline, Fra lis letaris e la politiche);
altris proprietâts interessantis [des celis organichis nanostruturadis] a son il bas rumôr di fonts e la dipendence di proporzionalitât strete fra la intensitât di lûs e la intensitât di corint eletriche (Lorenzo Marcolini, Aplicazions des celis organichis nanostruturadis)
Sin. energjie
, fuarce
, potence